انا لوحدي ..

البارت الخامس

هلا ..

كيف حالكم ♡♡♡
............................................

عمي .. يابه انتو كلكم دتسمعون الحجي الي ديصير و انه و بيبيتكم منقبل ودق ترجعله لان يموته لو ينطيهه النذل و هاي بت عمكم شياله همكم فلازم اسئلكم شنو حل المناسب قبل ما انطي الحل الي فكرنا بي

علي : نطي فلوس و خلي يروح مبين يريد فلوس ترا

احمد : يابه يعني هو اني اخاف احجي و تنحسب عليه غلطه بس يعني هو ماكو غيرهه ....

عمي : اي ياوليدي ادري ادري خلي نشوفه والله كريم

عمي : بنيتي ودق الحجي الج لمصلحتج مو لاحد غيرج و احنا رايدين مصلحتج و نحبج  و انت هم يا وليدي علاوي  بس احنا ملكينا غير حل انتو ....

انتو يا علي و ودق يعني الحل لازم تتزوجون ...

علي و ودق : شنوووووو

عمي : بس عقد قران اسكتو خلي افهمكم بس عقد قران الى ان يسكت ازل و بكيفكم بعد تكملون تنفصلون و هاي امكم و بيبيتكم و انه موافق

ودق : بس يا عمي شلون اني لساتني صغيره 15 سنه يعني حته متوسطه ممكمله شلون اهئ اهئ

علي : يابه انت صدك تحجي تسمع شيطلع من حلكك

احمد : اسف يابه بس اذا علي رفض ودق اني اعقد عليهه اهمشي متتاذه

بيبي : لا يا ابني اذا انت تعقد عليهه نوب يزيد الحجي ليش ما اخذهه الجبير ويكولون هي متورطه وياك اكيد لان ليش ما اخذهه الجبير

عمي : انه ويه كلام امي

اباوع على عمتي ساكته و مبينه عصبيه و علا فرحانه و غلا هتموت من القهر و العصبيه

ودق : عمو رجعوني اله ما اريد اهئ

علي بصوت عالي كله عصبيه : لا شو تريدين و رجلج فوك راسج باجر راح اجيب الشيخ حضروا نفسكم

الكل تفاجئو ليش هيج سوه تغير بكم ثانيه كان رافض تماما من رفضت اني كام يهدد و بسرعه وافق

دخلت للغرفه ابجي على حظي ... صح ابن عمي و مو غريب و بس عقد بس صعبه جنت مجرد مراهقه صغيره و فوكاها اني علي جنت ما اتحمله اموت منه ما اطيقه 

موتت روحي الى ان حسيت الباب انفتحت و فاتت مرت عمي

زوجه عمي : يمه شبيج والله عليوي خوش ولد و متلكين احسن منه و هو ميلكه احسن منج و اذا على دراستج لا تخافين متبطلين هو كم شهر لو تكملون سوه لو تطلكون

ودق : عمه يعني ياا اب هيج يسوي ببنته اهئ ليش هيج فوك معافوني وحدي لييييش والله حرام عليهم اني يتيمه و و اهلي موجودين ...

زوجه عمي : يا بنيتي كولي يا الله هم عافوج صيري كويه و كسريهم و راويهم انتي بدونهم اكوه هم عافوج و انتي تكدرين ماماتي