انا لوحدي ..

البارت السابع و العشرون

دخلت للحمام و علكت ملابسي .. فتحت المي البارد و اني مغمضه عيوني و اتوسل لربي انو مجرد اشوفه لاخر مره هو مو بس اخويه و ابني و كلشي جان بدنيتي حسيت نفسي مخبله بجيت بكل قوتي و بكل اسى يعني هسه هاي النهايه معاد اشوفه اويلي عليه .. كملت انداريت سديت الدوش ويه استدارتي ............

البصره الخامسه فجرا ..
_-_-_-_-_-_-_-_-_-_-_-_-_-

دكيت الباب على فهد يلا فهد وليدي تاخرنا ..
طلع و هو يمشي بجانبي و نحجي على طلعتنا و شلون و شوكت نوصل سلمنا على امي و شلت عباتي بايدي لان راح نروح لبيت ابو حسين و لازم اكون لابسهه لان الشيخ و هو معروف و اكيد يعرفني ..

وصلنا للسياره انه اسوق و فهد يسولف ويايه على الشغل و الفصول الي جلي تصير و على السوالف الي تنكره .. وصلنا لبغداد رحنا على بيت اختي اسيل ..

اسيل .. هلا جيتو والله نورتو بغداد و انه اكول ليش بغداد غير اليوم ثاري ايودي و فهودي منورينا

اياد .. ولا تجوزين من سوالفج سويله هلا بيج خويه هلا بيج شلونج خو ما رفيجتج جوه و نفوت تجينا العيبه ترا

اسيل .. لا راحت للدوام بس انه بقيت انتظركم خابرتني امي و كالت انتو جايين

فهد .. عود ردناها مفاجئه الا هي بعد الجلمه التكوع بحلك جده تنشر باخبار التاسعه

اسيل .. ولك فهود شو طولان صاير تيل ماشاءالله

فهد .. لعد ترديني اصير نفسج دبة غاز

اياد .. الله يثخن لبنكم هسه اذا اروح للحمام و ارجع الكيكم متكافششين راس براس

فهد .. اكلج تره الشيخ كلش مكبرهه و زايد جان اهون عود ذاك اليوم اكله اسيل يرزلني ليش ما تكول عمه ترضيهه بالله حاجي حاجي

اسيل .. يااا ياهو اليصيحلي عمه والله اني الي اصيحلك عمو من وره هالطول بعدين يا اياد متعرفني يعني

اياد .. اعرفنج زعطوطه و ما تكبرين

اسيل .. هاي الطلعت وياك زعطوطه اروح اسويلكم غده

اياد .. لا احنا نطلع لبيت الدكتور ابو حسين هو هم عزمنا عالغدا عيب نرده هسه بيش الساعه

اسيل .. هسا بال ١١ ملحكت أشوفكم

فهد .. نكمل و نرجع حتى المغرب نرجع للبصرا

اياد .. شيوخ ال ........ موجودين ببييت ابو حسين كال و ياهم هم ال ..... و من ال........ كاعدين هنا بالمناطق عزمهم لخاطر جيتنا

فهد .. لعد شوكت نروحله خاطر شغلتنه

اياد .. نشوف والله كريم يمكن جابونا لخاطر ابو ناصر و الصلح

فهد .. لعد خلينا نروح من وكت

كمنا توكلنا دخلونه و استقبلونه احلا استقبال بس صارت مشاددات بيني و بين ابنهم حسين هو ضابط بس كلش مهووسس و عنده اغلاط وياي ... صلينا و حطو الغدا ... كملت غداي و كمت صحت على حسين ابن ابو البيت ..