انا لوحدي ..

البارت السادس و الثلاثون

.
بقى يصيح علية و يلا و يلا تالي كال يا ودق هسه هالربع ساعه خلينا نولي شال مينا و طلع و تركني ضليت ادردم عليه مياخذني طبعاااا هو اني منو لو سميره جان كرمعته و رعدت عليه بصياحهه و قبل الا اني منووو

رجعت راسي على المخده بقيت اتكلب منا و منا ما اكدر انام عاد كعدت العب بفوني و نزلت فايبر و كلساع اغير بصورة الفايبر و ازخرف من الضوجه

فكاعده و مندمجه وصلني اشعار نووورتي الفايبر شخبارج فتحته من منة الله ضليت صافنه تذكرت شحجيت ويه اخوهه و شلون فشلته بس يلا ععادي قابل عيب اصلا عادي ..

دخلت و كتلهه هلاا حبيبتي الحمد لله نسئل عنكم ...

بسرعه ردت .. لج مشتاقتلج والله شو اختفيتي كالو تزوجتي واحد من الغربيه

جاوبتهه .. اي الحمد لله

... ان شاء الله مرتاحه بس والله نقهرت عليج خيه شجابرج جان رفضتي

جاوبتهه .. و ليش ارفض بعدين خوش انسان والله الحافظ

.. هاا الا نيالج و مبروك خوش معدلج تدخلين طب اسنان فرحنالج و امي دوم تندعيلج

جاوبتهه .. الله يسلمهه حبيبتي

.. اي على ياهو راح تقدمين اذا تريدين اخلي يوسف يسويلج ترتيب الكليات عل. معدلج خاف متعرفون

جاوبتهه .. لا تسلمين مراح اكمل جامعه زوجي ميقبل

.. ياا ليش اكيد من هذول الكلشي عندهم حرام يووو الله يساعدج اني لو عندي معدلج جان ركصت بالشارع

جاوبتهه .. الحمد لله اهمشي فوكايه سكف و بسدي رجال جنت مذلوله و الحمد لله على كل حال ليش انتي شطلعتي

.. ٧٦ راح اروح للاردن علمود ادرس صيدله اني و مهل لان مها هم بالسبعين شوفي ربج هاي احنه اهل الخصوصي هيج و انتي هيج فعلاا الذكاء اله دور

جاوبتهه .. هههه وداعتج مو ذكاء تعب و ابو المثل يكول اليتعب يلعب

.. ليش احنا متعبنا حالنا حالج و اكثر بس هو الذكاء و الحظ يلعب دوره

جاوبتهه .. بس جنتو مستهينين مجرد تصيحون عدنا خصوصي و متدرسون هواي مو صح ؟ هو مو كلشي نمدح نفسنا بي فكري بخطأج اني مجاي اتكبر عليج هاي حتى مراح اصير نفسج لا راح اكمل حكعد بالبيت و ما اخلص هذا حض برايج ؟ عالعموم الف مبروك واللف فرحتلج من كل قلبي

.. الله يبارك بيج يلا مع السلامه

هاي شمكعدهه من الخمسه الفجر خرب اله تحجي ويايه .. بقيت اخذ حسرات و الدراسه و ليش و ليش يعني والله هذا م عدل المفروض اني طبيبه و القهر كمت اتخيل نفسي سمنانه و اركض وره جهالي المبهذلين يوووووو هسه شذكرني

بس والله شغلة تقهر و بعد تفكير دام ساعه كامله كلت الحمد لله على كل حال و في كل حال استغفرت ربي .. الشغله الي تقهر كلما صارت مصيبه او حاجه تزعجني و غاطه على قلبي دموعي يجمدن فابقى كلبي ينغزني و احس بفراغ و هذا اصعب شيي .. اما بالامور التافهه و العاديه يصيحولي ام دميعه ...