انا لوحدي ..

البارت الأربعون

.

و الساعه ٣ الظهر دا اصعد لغرفتي شفت الي ما جان الي بالي .. لاكتني سميره يم غرفتهه واكف وياها رجال شايب جبير و وكفتهم مخلة للادب بقيت صافنه و فاتحه عيوني على وسعهن

... هاي منوووو هذااا

سميره .. ااااا هذا اااات هذا اخويه

.. لتجذبينن بيبي بيبييي

اني دا انزل اصيح على بيي و هي ركضت ورايه و من على اخر اخر درجه حسيت على رجلي نجرت و صرت اتدحرج مثل الطوبه وكعت مثل الجثة بنهاية الدرج و مالي حيل ابجي اصلا .. عطت بصوت عالي رااااح امووووت اة اة احس بطني تشتعل نار

راححح اموتتت وجع يموت و خوف على جنيني .. الكاع مليانه دم دموعي تنزل بلا وعي ما اكدر اتحرك اباوع الدم ترس ايدي اعيط بلا وعي اريد احد يسمعني طلعت بيبي تتوجه عالعكاظه شافتني و كعدت يم راسي

... يبووووو هاي شصايرر ولج سميرةةة من عزا العزاني ولت لاهلها ولج يمه كومي تحركي وديقه بنيتييي من صخام بوجهيييي وين جانتلناااا يهل الرحممم يهل المروةة لحكو جنتي

اجه الحارس يركض و اجه احمد لان بالصدفه جان مار من يم بيتنه لان بيتهم قريب ..

.. بيبي اني راح اخذهه للمستشفى

.. لا لا يمعود شيخلصنه من اياد دخيلك وليدي عامر ( الحارس ) جيب القابله و تعال

احمد .. ودق شيوجعج هسه تجي القابله اتحملي شالني للغرفة نوم مال الخطار صايره بصف غرفة بيبي

جتي القابله و كالت هاي دتسقط الله يعوضكم .. جانت صدمة يعني ما مكتوبلي افرح بس سميره سميره السبب متاكده و هذا الي وياهه مبين مو اخوهه سكتت اكيد محد يصدك كلت ما احجي بس لاياد هو يصدكني

بدلت ملابسي و رجعت بمساعده من علا الي جت من خابرهه احمد .. ابجي و الشهكه طالعه من كل كلبي مثل جاهله اخذو من عندهه لعبتهه .. بس لا المي اكبر اني فقدت طفلي الي جنت بانيه احلام و احلام ببناء عائله صغيره تعيش بحب بس كلهه تلاشت بلحظات ..

.. اه علا راح اموت حبابه خابري على اياد احجي وياه

.. شتخابريه هو مو هنا خطيه تشلشي

.. و اني ؟ دا اكلج راح اموت فقدت طفلي بس حسي بأألمي اهئ احجي و اشهك

راحت جابت فوني و اجت نطته الي دكيت على اياد ميرد بالعشر مرات ادك و ميجاوب ...

شمرت الفون بعدم صبر و شهكاتي تشرح حالتي المأساويه .. صوت الباب ندكت دخل احمد ...

احمد .. ليش هيج مخبلة بس الحمد لله بعده يشتغل كولي يا الله الله يعوضج غير تديرين بالج

.. صدك تحجي شدير باليي سميرةةة وكعتني والله هي وكعتني و حتى جانت ويه رجال

.. سميرة ببيت اهله شبيج