انا لوحدي ..

تكملة البارت الاخير

شعر البطله تكول اكثر شعر حبته لان اكثره صحيح لكم احبتي اتمنى يعجبكم ..

ﻣﺮ ﺑﻴﻨﻪ ﺍﻭﺧﺬﺍﻙ ﺍﻟﻤﻮﺕ ﻭﺗﻌﺪﻩ
ﻳﺎﻣﻮﺕ ﺍﻋﻠﻰ ﻫﻮﻧﻚ ﺳﻴﻔﻚ ﺍﺷﺤﺪﻩ
ﺍﺣﺒﺎﺏ ﺍﻭﻛﻌﺪﻧﻪ ﺍﻭﻛﻠﻨﻪ ﻣﻠﺘﻤﻴﻦ
ﻃﺒﻴﺖ ﺍﻭﺧﺬﻳﺘﻪ ﺍﻭﺧﺮﺑﺖ ﺍﻟﻜﻌﺪﻩ 
ﺗﻄﺐ ﺩﻭﻣﻚ ﻏﻔﻞ ﻳﻤﻔﺮﻕ ﺍﻻ‌ﺣﺒﺎﺏ 
ﻭﺗﺨﻠﻲ ﺍﻟﻨﺎﺱ ﻛﻠﻤﻦ ﺩﻣﻌﺘﻪ
ﺍﺑﺨﺪﻩ ﺷﺎﻫﺮ ﺳﻴﻔﻚ ﺍﻭﺗﻔﺠﻊ ﺑﺎﻟﻮﻻ‌ﻳﺎﺕ
ﻭﻻ‌ ﻓﺪﻳﻮﻡ ﺳﻴﻔﻚ ﺑﺎﻳﺖ ﺍﺑﻐﻤﺪﻩ
ﻭﻳﺎﻣﻮﺕ ﺍﻋﻠﻰ ﻫﻮﻧﻚ ﺗﺪﺭﻯ ﺑﻴﻨﻪ ﺍﺿﻌﺎﻑ
ﻟﻮﻣﺎﺗﻨﻪ ﻭﺍﺣﺪ ﺣﻴﻠﻨﻪ ﺍﻳﻬﺪﻩ
ﻭﻳﺎﻣﻮﺕ ﺍﻟﺒﺸﺮ ﻣﻦ ﻋﺎﻃﻔﻪ ﺍﻭﺍﺣﺴﺎﺱ
ﻣﻦ ﺩﻡ ﺍﻭﻟﺤﻢ ﻣﻮ ﻣﻦ ﺻﺨﺮ ﺟﺒﺪﻩ
ﻭﻟﻮﻣﺎﺗﻨﻪ ﻣﻴﺖ ﻣﻮ ﺳﻬﻞ ﻧﻨﺴﺎﻩ
ﺗﺬﻭﺏ ﺍﺭﻭﺍﺣﻨﻪ ﻭﺗﺘﻜﻄﻊ ﺍﻟﻔﻜﺪﻩ
ﺍﻭﺍﺣﺪﻧﻪ ﻛﻀﻪ ﻣﻦ ﻣﺮﺍﺩﻑ ﺍﻟﺼﺪﻋﺎﺕ 
ﺟﺜﻴﺮﺍﺕ ﺍﻟﻨﻮﺍﻳﺐ ﺿﺎﻋﺖ ﺍﻟﻌﺪﻩ
ﻭﺍﻟﺮﺍﺣﻞ ﺗﺮﻛﻠﻪ ﺑﻜﻞ ﻛﻠﺐ ﺑﺼﻤﺎﺕ
ﺑﺬﺭ ﺑﺬﺭﺓ ﻣﺤﺒﻪ ﻭﺷﺠﺮﺗﻪ ﺍﻣﻮﺭﺩﻩ
ﺳﻮﺍ ﻟﻴﻔﻪ ﺗﺪﻭﺭ ﺑﻜﻞ ﺭﻛﻦ ﺑﺎﻟﺒﻴﺖ
ﻭﺣﻨﻴﺘﻪ ﺗﺪﺍﻭﻱ ﺍﻟﺠﺮﺡ ﻭﺗﺸﺪﻩ 
ﻳﺎ ﺳﻠﻮﺓ ﻫﻠﻚ ﻣﺎ ﺍﺿﻦ ﻟﻴﻨﻪ ﺍﺗﻌﻮﺩ 
ﻭﺍﺿﻦ ﻣﻬﺮﻙ ﺧﺬﺍﻙ ﺍﻭﻣﺎ ﺑﻌﺪ ﺭﺩﻩ
ﻭﺿﻠﻴﻨﻪ ﻧﺘﺎﻧﻲ ﺍﻣﺠﺬﺑﻴﻦ ﺍﻟﺼﺎﺭ 
ﺍﻭﺋﻴﺴﻨﻪ ﺻﺪﻙ ﻣﻦ ﻃﺎﻟﺖ ﺍﻟﻤﺪﻩ 
ﻭﺍﻟﺪﻓﺎﻥ ﺭﺍﺟﻊ ﻭﺣﺪﻩ ﺍﺑﻨﺺ ﺍﻟﻠﻴﻞ 
ﻭﺻﻌﺒﻪ ﻋﻠﻰ ﺍﻟﺪﻓﺎﻥ ﻣﻦ ﻳﺮﺟﻊ ﺍﺑﻮﺣﺪﻩ

تركني و مشا للحمام و اني هم نزلت بدلت و اني ارجف خايفه من الي راح يصير معقوله ياخذني غصب ؟ او راح ياذيني ان شاء الله منرجع ابد اذا بيهه ضرب و اذيه

بدلت و لبست عبايه لان بالامام ميدخلون الا عبايه لبست و تانقت على اخر حبايه ..

نزل هو يتمايل باكتافه و عطره سبقه بس اي احساس بقلبي اتجاهه ماكو كاني صرت ما احبه بس بعد خليه يترجاني و يتوسل ههه

لليوم ميحجي ويه غلا اخته او يواجهه احمد وداهه لبيت صديقتهه لان حتى احمد راح يروح ويانه للامام ..

و صلنا للامام و زرنا و صلينا ضحكنا و تونسنا اذن المغرب صلينا و طلعنا و هم هم جانوا منتظرينا بالحضره .. شافنه شيخ ..
الشيخ .. انتو راح تكونون من اوائل اهل الجنه اليوم

محد اهتمله و علي يصيح خرافاتك بطلهن يريد فلوس المجدي .. بس اني الي صدكته و كلبي يدك اتذكر كلام ام زينب و كلام هالشيخ ككانو من صدك صدكتهم كمت امشي بتباطؤ .. صرخت بيهم .. خلونا نرجع منروح للسوك عليكم الله

علي .. مو هي بكيفج بالله شو اله نروح للسوك يلا بلا مزعطه

رحنا اول شي للمطعموو اني راح اموت من الخوف و الرجفه بكلبي تقرا الف احس من صدك راح تصير مصيبه بس محد يسمعلي و علي ديعاند و شايل علاوي اخويه و يبوس بيه و يتبهتر بيه

نزلو الاكل و اني ما اكلت شي خايفه من الي راح يصير .. صح كالولي هم بس الله برحمته و رضاه خلق للانسان شي بداخله يخلي يحس بالمصيبه او الي راح يصير منهم الي يتعض و منهم الي ميهتم بس اني حاولت و محد وكف ويايه ابدااا ..