انا لوحدي ..

البارت الثامن و الثلاثون

#انا_لوحدي
عدا الطريق ولا وحده حجت مجرد هدوء ... و اني بالسياره صوت اغفي وصلنا هو اصلا قريب علينه بعد فرع عن بيت عمه علاء من دخل الفرع عياط و هوسه بسرعه صحصحت و كمت اتساءل هاي شكو و شديصيرر

هو بسرعه عدل عكاله و عاف السياره و راح يركض لان كلها ناس و احنة بس نسوان الهوسه بباب بيتنه بس شنو الصاير مندري و اياد واكف يزمخ و يعيط بعلو صوتو شوي و انتبهنا صوت طلق و عمامهم جوي عمهم ازاد دخلنه للبيت و الشيوخ و العكل و احنا منعرف شنو السالفه

اجه اياد دشداشته كلهه دم انتبهت و عطت من  منظر ايده و وجهه كلها دم و عكاله بيده .. صعد ركض للغرفه و اني وراه يمشي بسرعه و اني اسئله جاوبني ... ضاربين الحارس بسلاح  و مكسرين جام المكتب مالتي عالشارع

كتله منو يالله

كال مندري جاي ننتظر يصحه الحارس لان دمه بطوله

كتله حباب لتطلع لتروح ليروح يصيرلك شي

هو مهتم اخذ رشاشه و سلاح مسدس و شد النطاق و حط المسدس و شال الرشاشه بيده و كام يعبي طلق و اني ابجي و اكله اياد بناتك و اني و مرتك و امك كلنا وين نروح حبااب قبل كم يوم بديت افرح و اضوك و اشوف الحياة و اتعرفن على شنو الحياة الزوجيه لتروح

هو حضني و لزم وجهي باثنين اديه و كال معليج احنا لان كتلو زلمه من عدنا ادعيلي لتوكفيلي عارض فدوه اغديلج انه ارجعلج و عيونج ما اعوفنج ما دامني اشم الهوا

اخذ السلاح و ركض نزل الدرج و اني اريد الحك بيه تعثرت هو منتبه طلع بس رويده و البنات انتبهن و ركضن رجلي نلوت بالكوه امشي ....

نزلت كعدت يم بيبي  خايفه و عيوني يجرن تذكرت منظر الدم بايده و هدومه لعبت نفسي حسيت راح اتقيء بس ما كمت .. لشوي البنات كلهن للمطبخ مبقيت بس اني كاعده و كامن يبسمرن بيبي كالت كومي تجفي الشر و لتشتغلين هواي ..

كمت وكفت يمهن بالمطبخ انطنيغسل المواعين صبو و اكلو زلم و نسوان و اني ملتهيه بالمواعين كلما اكول راح اخلص يزيدن .. عافوني بالمطبخ مبتلشه بالمواعين و من اكول لوحده ساعديني تتحجج بشغله ... اسمع اصواتهم الزلم الحارس لساه مصاحي حتى يعرفون الفاعل منو بس شوي هدو بس كلهم انجمعو ببيتنه عمامهم و ولد عمامهم

ظهري ذبحني من الالم كملت المواعين عالسريع كلت لبيبي رايحه ابدل ثوني تبللت بيبي كالت متعشيتي يمه و الي بطنج تعالي اكلي كتلهه خلي ابدل بالبدايه .

صعدت لغرفتي بدلت تراك بس طويل كلش للركبه البدي و ردانه طوال لونه بنفسجي نزلت للهول اياد كاعد يم بيبي بس شافني خزرني يبوو دروح هو اني ميته اكعد احير بيك اذا رضيت لو لا  ..

كعدت مقابيله و بيبي تحجي وياه و يباوع عليه و يهز براسه .. صاح على ابن نعيمه انمار يطلع بالاعدادي الكل صفنو عليه كله روح جيبلي كيلو كباب لحم من فلان ..