انا لوحدي ..

البارت السابع

هلا كيف حالكم
❤❤❤❤❤❤❤

علي .. نص الخمسين شكد

جاوبه احمد.. خمس و عشرين

... انطيني خمس و عشرين بوسه يلاا ها و بكيفج منا منا منا وياشر عله خده وخده الثاني و كصته و حتلو منا اقبل و ياشر على شفته و يضحك

بيبي .. لا يا ادبسزززز

عمي .. هاي شكو

زوجه عمي .. يااا صخام بوجهكم ليش هيج الفرش فوك التراب

علي .. لا تخافين رحوم فرشت جواهن وصل حتى ميتوصخن

زوجه عمي .. اي يمه فدوه اغديلك مرتب معدل وليدي

احمد .. و اني ابن البطه السوده مووو

زوجه عمي .. 😒

علي .. اي يلا مو تريديهن بوسيني

عمي .. ايا ادبسز ولك امشي رحيمه امشي ذوله ميستحون

بيبي .. انه هم طابه ذوله ادبسزيه

احمد .. اي ارجع يابه كمل شهر العسل مالك اقصد نومتك هههه

منشوف غير نعال طاير فوك على احمد هههه

ودق .. علي متعبت جيبهه عاد لو فوكاك لو وراك والله حرام اهئ .. جاوبني يلا نفذي يلاا

.. ما اريد يلا باي ضحك و جا نطانياها و كلي يلا هاج ما اريد بس وحده هه

ضحك احمد ها اغمض

محسيت غير علي اخذ شفتي بشفته و باسني و حط ايده ورا راسي يسنده و كانو تعمق بيها زايد طبعا احمد صاير ورا علي و كدامي فانتبهت عليه ديصور كمت ادفع بعلي و هو عباله دا اعانده كام يعض بشفتي بعنف .. عافني

داامسح شفتي بكف ايدي ما اشوف غير انملى دم باوعت على علي مبتسم بنصر و احمد يضحك و يكول فاز اخويه هههه
دخلت جوه غسلت بمي بارد خاطر يروح الدم الي ترس شفتي دخل علي و كلي ااا....ااااهو اني سويت هيج حته ميشك دفعته ورحت حظنت العلبه و تغطيت و نمت

طبعا نومتنه كانت احمد وراه علي وراه اني .. كانو يضحكون و يتونسون و اني افكر بالصار .. حسيت مالهم صوت شفتهم نايمين دا ارجع انام

و شفت نمله كبيره كمت اعيط بكل صوتي و اكمز و اني اكمز و كعت على علي و كعد مرعوب شكووو شصار شكو احتركنا

كتله و اني ابجي نمله نمله ماما اهئ

احمد .. ههخ بطنييييي راح اموت

علي عكف حواجبه و رجع نام و احمد كذلك عاد اني كتله كوم وصلني الدنيا ضلمه علييييي اخاف مجاوبني كمت و واني هموت خوف شلون هنام وحدي فوك بغرفتنا

و اني على الدرج حسيت على ايد سندتني ردت اعيط حط ايده على فمي و كال اشش هاي أني وصلنا للغرفه نام من جهه و اني بدلت و رجعت نمت من الجهه الثانيه