انا لوحدي ..

الجزء التاسع عشر

هلا
كيف حالكم ؟

بارت قصير بس بيه احداث .. اتمنى ينال اعجابكم

احمد كعد ليوره و علي يوصيني عالاكل و يحجي على فقر الدم الي زاد عندي و على البجي و لتنقهرين و اطلكج و تامرين

و لتهتمين و صلنه لبيت زينب دكينا الباب طلعت امهه اتفاجئت بيه لان ضعفانه و التعب مبين عليه و هي هم صار هواي مشايفتني ف استقبلتنا احلا استقبال و هلا و نورتوو و من هاي السوالف

ام زينب .. هاي شبيهه دوقه ليش هيج تعبانه

علي .. ليش هي تاكل حتى تسمن ام فقر الدم

ام زينب .. يا ليش متاكلين خاله حبيبتي لنفسج مو لغيرج اليوم باتي يمنا و على راسنا نحطج قلبي انتي

احمد .. شهل دلال كمت اغار ههه

ام زينب .. هههه نزول غير مريضه و نراضيهه للحلوه الاموره الغنتوره

علي .. احنا راح نروح بس دكتوره هاي علاج و ابر الهه بلكي تنطيهيا

ام زينب .. اي طبعا شنو مرضهه شبيهه

علي .. احنا نترخص مع السلامه

ام زينب .. الله وياكم

بس طلعو من البيت جتي زينب من شافتني كامت تبجي و تولول و شكد ثوله و لترجعيله لهلحقنه لقرد ل.......

... يو زينب كافي صطرتي راسي

ام زينب .. اي بنيتي شنو مرضج ليش ناقليج للمستشفى شصاير

.. والله يا خاله الي صار .........
حجيتلههه كولشي و هي تشهك و تكول يا عزا بعينه هلميستحي و تفشر عليه و تكولي لترجعين و الله غبيه و ثوله

نطتني العلاج و ضربتني الابره بالوريد كلش تاذي ..

و عمو ابو زينب مقصر هم بقى يصيح و ليش تذبين نفسج عليه و عوفي لهل ماعنده شرف و اطلكي و كعدي هنا فوك روسنا و قابل غريبه .....

الحمدلله الله نقذني جان اخو زينب مموجود بالبيت خفر و الا جان شخلصني يبووو جان باصت الشغله خااالص

البليل نخبصو بيه هذا الي يجيب كرزات و يخضرون افلام و يحضرون عصاير و اشكال تخموني بالاكل و الضحك

بس كله و بالي يم علاوي اخويه شلون راح يكدر ينام شلون راح يسكت شلون شلون ..

الى ان غرقت بالافكار و نمت .. كعدت الصبح جان يوم جمعه ام زينب بالبيت مطالعه للدوام و هم بقت لخاطري و بس تسو اكل فيتامينات و بروتينات و اني شكد احب هيج اكلات عاد اكل و ارد اتقيئ و اجاملهه اكله كلش طيب خطيه تتعب بيهن بس سبحان الله كلشي بي بروتينات و هالسوالف حشه نعمة الله

كاعدين يشربون جاي و اني اشرب شراب زيزفون و نضحك و طلعوني من جو المرض و الكآبه ..

منشوف غير ام زينب تلزم راسها و تكلب عيونها و ترجع راسها عم الهدوء لشوي نزلت دموعهه و عاطت بيه ..