انا لوحدي ..

البارت السادس

طلعت بيضه و برز بياضي شكد جنت بيضه و حلوه برز بياضي اكثر

كمت غسلت و نشفت شعري بقيت ساعه انشف بي يتعب لانو طويل وثخين يموت ...

فاتت زينب و مسدت الباب مر علي .. مرتي دتجهزلي ترترن يماااي

زينب .. نننن هههه للعصر خيو

علي .. ههه وسخه .. اكولج ليش حليانه خاف لان سمعتي البليل نعرس

زينب .. ليش يابه هي من الاول تخبل بس اكيد جلفت روحهه استعداد ههه

.. يحبي لتعبين روحج كليبي و شراييني

ودق :  اوووو هو دشوي وخرو من يم الباب اريد ابدل

علي و هو ينتجي على الباب : اجي اساعدج😉

زينب : ها ها ها ها انننن

علي : شكلتي .. شوفي زينب السكوت علامة الرضا

ودق : لا لا لا طلعو طلعووو

و خرتهم وقفلت الباب

... وراها بدلت و لبست الحجاب و تكرمون الحذاء و طلعت

شافتني بيبي : اللهم صلي على محمد وال محمد شطالعه كمر يمه شهل جمال
نزلت راسي بخجل انتبهت اكو بنات ثلاثه و نسوان ثنين كاعدات رحت سلمت و بوستهم و المره الكبيره الي ذاك اليوم جتي الي هي ام مرت عمي

و بنات تعرفت عليهم حبابات و و الكبار اخوات زوجه عمي

.. نترست الصاله رياجيل

باثناء مدا اسلم فات احمد و شافني كال بطيخه اليوم صايره ركيه بالاحمر هههه فات وراه علي صفن ابتسم  و بعدين سلمو عليهم و طلعو

مجان احد يعرف ليش سكيتي و انو هذا العرس شكلي الكل عباله هاهيه زواج فعلي بس سكيتي

كنت كاعده يم علا و زينب و دياكلن اني شبعانه ضميتلي اكل بعدين اكل علا من دا تفتح الببسي و اني حاطه ايدي

على فستاني خايفه يوكع عليه من دتفتحه نجب على ايدي و نقط قليل عله الفستان خفت يخرب و ركضت عالسريع اغسل

كان بالمطبخ واكف واحد شاب و طويل  بس لمحت لمحه و نزلت راسي و ااكف و يا عمتي و اختهه و احمد هم واكف
محجيت بس غسلت دا اطلع ...

احمد : بطيخه علي رادج قبل شوي روحي شوفي اشرتله براسي و مشيت
رحت اشوف علي شفته على الدرج صاحلي صعدتله

ودق : ها احمد كالي تري....

علي : شلابسه شهل لبس هذا لا عبالج حابج و رايدج مره هاااا ترا اني دا اتصرف هيج حته محد يشك يعني لساتني كارهج انتي و ابوج وكلكم و لراويج نجوووم الظهر و تصرفاتي كلهن خاطر متنهانين لان رح تنحسبين عليه كالهه بقرف و استهزاء ....

كلش صعبه لما اني فرحانه بتغيره و بالاخير يطلع تمثيل هه

ودق حجيت و عيوني تصب دموع عشره عشره : اولا اني هم اصلا ولا مهتمتلك ثانيا لبسي مابي شي فستان طويل و مستر ومال محجبات و لو انت ممهتملي ليش تحاسبني ثالثا علساس اني احبك حته تكرهني و درت اريد اطلع