انا لوحدي ..

البارت العاشر

هلاو
كيف حالكم ؟
يا رب تكونو بخير ❤❤

................................. Al_jubouria

و بيوم من ايام العطله الصيفيه كنت كاعده عمتي كالت .. يمه ودق كون انتي و علايه تروحن تغسلن الزوليتين الي مغسلناهن علمود المكان انتي وحده وعلا وحده فدوه بنيتي

ودق .. تامرين عمه على راسي علا يله نصعد

علا .. اوك يلا اني راح اغسل الحمره و انتي غسلي البيجيه

ودق .. مصلحجيه ( البيجيه لونها نحس فبالكوه يطلع منها الوصخ و بالكوه تنغسل يرادلها تعب)

صعدنا فرشناهن و بللناهن و بللنا نفسنا و بعدين كعدت افرك بمالتي و علا كذلك و نسولف و كان الجو زين بي هوه بس مو كولش بارد .

علا ..اكولج ام زينب ابد ما ارتاحلها مدري شلون امي تصدكها

ودق .. ليش شبيها

علا .. يا خيه مو هيه تشوف شراح يصير بالمستقبل و امي لازكه يمهه و المره تكللهه مااكدر اشوف بامر احد هو من اغمض اشوف اشياء لا على التعيين و يطلعن صح و يصيرن

و امي لازمتهه لا دغمضي بلكي تشوفين شي علينا و هي مرتين تلاثه تغمض و تشوف نار و سيارات و رقم واحد
و تكول يجوز مو عليكم يجوز على غيركم اتهيء

ودق .. اي حاجيتلي زينب مرا شايفتني دا اركص .. ورا اسبوع صار احتفال واني هم ذبيت لحم ههه

علا ..هو انتي هم بيج لحم

ودق .. اي طبعا بس غير اخوج ميخليني غير البسلكم الثوب الاحمر اطلع اسمن من همسه

علا .. اي عيني بس اله

ودق ..هه ادبسز يلا كملي اني راح اعليهه

كمت عليتهه و لفيتهه و كلت لزينب راح انزل اسبح و ابدل لان اذا شافني علي يكطعني

علا .. اننن يكطعج شلون ههه

ودق .. وصخه 😑

نزلت و اني ارجف صارت بارده و اني ملابسه هواي دخلت سبحت و طلعت ميته برد مثلجه دخلت جوه اللحاف و مدفيت عاد بالكوه كمت جبت بطانيه ويا اللحاف و بعدني بردانه و ارجف
حسيت انفتحت الباب عرفته علي بقيت ساكته ..مدري شوكت نمت

حسيت و اني بالبانيو و علي يكلي افتهمتي

ودق .. هاا شنو

علي .. بدلي ملابسج و اني راح انطيج علاج ااا.. و اذا احتاجيتي مساعده اصيحلج وحده من البنات

ودق .. لل لا هسه اني اكدر حجيت بتثاقل
لبست البرنص مال الحمام مجان اكو ملابس غيره و اني ملابسي النزعتهن مبلله ..
طلعت اركض حته اروح للفراش رح اموت برد .. لزمني علي قبل مااكعد بالفراش

علي .. روحي لبسي شي قبل متنامين شوفي جسمج و المناشف مالتج مبللات روحي بدلي وتعالي

مشيت علكيف مالي قوه رحت بدون وعي طلعت دشداشه من الكنتور و داللبسهه و ما اسمع غير ضحكته بصوت عالي