انا لوحدي ..

البارت الثالث

طبعا من بعد البارت راح تبدي معناة ودق الحقيقيه ..

قراءه ممتعه 😊💖
.......  . ........ ....... ......  .... .......

بعد فتره

هم نخبصنه غراض البيت كلها بدلهه عمي و غير البيت تغيير فضيع و صار كليوم ييجون شيوخ معكلين زياره لاختهم الي هي مرته

و فديوم جتي وياهم مره كبيره بالعمر مبين عليهه الوقار كويه و عدها بين حواجبهه علامه زرقه توقعت اخت مرت عمي بس هي جايه و الرجاييل بالخطار كعدو و هي يمنه بالهول

بيبي : هلا بالنسابه والله شعجب فكرتو تزورونا بعد السنين ....

المره : والله يا خيه مانكدر بليا ديرتنا و هوانا و اليوم لو ما رحيمه شايله جا ماكدرنا

بيبي : معذوره يا غير اليحب يعتب

المره : هاي الفريخه اللابده يمج منهي ما شايفتهه انه

بيبي : هاي ودوقه بت ازل الله يسامحه كومي يمه سلمي على جده

اني كمت و اخذت ايدهه ابوسهه لان بيبي معلمتني كعدتني يمهه و كالت

المره : يا شنهي جنهه فلعه الكمر جا شلون هله يعوفهه شلون قلب

بيبي : هاي هيه شنسوي بعد مرتاحين و الحافظ الله اله شعجب رضيتو ترجعلنا رحيمه و ابني

المره : يا حبيبه من زمان جنه قابلين من عاشرنه وليدج و عرفنه طبعه و النعم منه و بعد تعرفين مات الخيمه الجانت بسدنه و هو وكفلنا الله يشهد يخيه و هسا تعب و حكه

و كفتا ما تنسا عشتي شما ربيتي بس رحيم عكل و استلم الديوان هو و فريخاته و ابو علي وياه تكولين اخو وابو لفريخاته الله يرضى عليه

و احنه عرفنا يا خيه اسعد متمني يكضي يمج الوكت هو و جهاله عاد من طلب يرجع مارديناه احنه حفظناه و النعم منه

بيبي : والله معرف شكول الحمد لله واحد رفع راسي بينهم ودنكت راسهه تباوع للكاع و تتحسر

المره : لاه يام اسعد معرفتج هيج تراه لو غلطو مو منج وحك علي خيه منهم انتي يكفيج تعبتي و ربيتي و كبرتي عاد هم وين ما يمشون هم الي يحددون يا خيه

اذكر هذا الحديث الي دار بينهن لان جان قليل خطار ييجونه و بقت المره للعصر و راحو عاد بقينه اني و بيبي وبيت عمي
عشت ايام كلللش حلوه بوكتهه تونست ب علا ويايه لانو غلا جانت مو كلش تنحب وتحبني احسها تكرهني و تصرفاتها مرات زينه و مرات الله اليستر منهه

احمد كلش جان حباب وانسان قمه باللطافه عكس علي الي ليل نهار ضايج و ثكيل و مكشور يعني اذا يضحك ما اعرفه والله عكس احمد ضارب الدنيا جلاق متونس يكول اعيش الدنيا بحلاوتهه و بمرارتهه ضحك ....

عمتي ام و اكثر جانت حبابه و خدومه و انسانه راقيه ...

و فد مره حسيت على صياح يم راسي