انا لوحدي ..

البارت الثامن عشر

هلاو ..

كيف حالكم ؟

هاي عيديه التمام تعبت صراحه 4500 نهد حيلي ههه بس تستاهلون استمتعوا بالاحداث ...
Al_jubouria

فستاني احمر بينصل للركبه و ما بيه ردان او تعلاكات صدره مفتوح .. فتحت شعري و حطيت عطر هادئ  ..

كعدت انتظر انتظر هو ما اجه و لا شفت سيارته اصلا .. تعبت و صفنت بالغرفه  بمكاني مدري شوكت و حسيت الباب نفتحت و فزيت من صفنتي بعد وقت كلشش طويل ..

علي .. هاي شنو ليش انتي ااا

.. ماكو شي و اخذت ملابسي و رحت اسبح .. طلعت من الحمام هو جان كاعد عالسرير و يحرك برجله بعصبيه و عاقد حواجبه من طلعت شافني و تقدم نحوي ..

.. انتي ليش هيج لابسه و.....

.. وين جنت الليل كله و ليش مجيت

.. معليج و ما الج حق تحاسبيني

.. هممم اوك

.. تعااالي مجاوبتيني ليش مبدله و عدسات و لابسه مال نوم و اني مموجود

.. من تجاوبني عود افكر اجاوبك

.. راح اخليج تجاوبين بطريقتي ..

للعصر بقى يلح امشي بدلي و امشي بدلي اني هم اخذت فون بيبي و طلبت فون زينب من عدهه هي هم خطيه جابته الي جنت ناويه اخلي علاوي يلعب بيه و اروح ويه علي افهم شيريد مني مومللني و هو يصيح تجين و مو بكيفج ..

شو هذا بدل و كعد يتشاقه و يضحك باوعت عليه و كتله كملت اشر على علي و كال متبدليله

.. لا خلي انطيه الفون على منرجع

.. لا اخذيه امشي بدليله علما تخلص اصاله
.. ليش اصاله راح تجي ويانه ما اجي بطلت لعد ما اجي

.. لا شو تجين و اشوف مره و تعاند

ما بيه حيل للضرب و الاهانه بعد و كدام منو كدام اصاله ؟!!
استجمعت قواي و كمت مكيجت و حطيت و لبست شال وردي طلعت اخبل حطيت عطر قوي لشوفه والله لخبله اني اعلمه خهه

نزلت باوعلي و كال كولشي ينمسح فوراااا يلا

.. ما اجي لعد شنو هاي يبو كاعد و تتشرط جنك ملك الموت و ظلمنا ملك الموت هم .. مو هاي مرتك هم حاطه مكياج و اطوخ مني متحاسبها يعع

ضاج و كام ينافخ و يمشي صعدت ليوره و اصاله ليكدام هو كلش ضاج لما خليت اصاله تكعد ليكدام و هي هم ارتبكت ..

وصل لبيت اهل اصاله كلي ابقي انتي و علاوي هنا بس اسلم عليهم و ارجع هو هم فتحوله الباب دخل خمس دقايق و رجع دك شباك عليه ..

.. ها

.. كومي ليكدام يعني ها

.. يبووووو مو علاوي كاعد يمك