انا لوحدي ..

البارت السابع عشر

هلاو
شلونكم ؟
كل عام و انتو بالف خير

البارت قصير لان عيد و خطار طاب خطار  طالع فاعذروني العيديه قليله شوي ههه

........     .........      .........  ........ ....
اليوم زفته شلون شراح يصير .. ياهو اليطلع كدامي اعيط عليه و ازمخ بيه كانو دا افرغ همي بعصبيه .. زينب كابتلني و كعدت تهدي بيه و اني دموعي رتخن و نزلن دون ارادتي .. قلبي يرجف ليش ما اعرف .. يجوز لان زوجي راح يتزوج و اليوم زفته

مرته راح تلبس الفستان الابيض الي دوم احلم البسه و راح يزفوهه اله بزيجه و عراضه الي دوم جنت اتمنى الكل يدري اني زوجته راح تنام يمه و تكون مرته و اني دوم اريد اوصله فكرة يتزوجني و يخلصني ..

هواي اشياء نحرمت منها اني غيري حضت بيها و كامت تتبطر بيهن .. صدك صعبه و نبت بقلبي غيره اشياء مصارتلي او سووهه الي اضعافهه لغيري .

شنو فرقي و ليش اني مفكرو يسوولي نفس الاشياء الي ابسطهن ثوب ابيض مدري .. محد جاوبني على سؤالي

سمعت صوت المزيكا و الطبل و الهوسات .. اهازيج فاتت من الباب نقبض قلبي كانو قربت ساعة موتي هو راح يتزوج هاهيه ركضت للشباك اباوع زفه و سيارات و الكل متونسين زين ليش اني مسوولي هيج .. احبه و اعترف اني صدك احبه بس ليش حبيته و هو مجازاني غير باهاناته و ضربه

تعبت و نمت و اني سانده راسي على الشباك فتحت عيوني بتثاقل على هوسه و صياح ..

صوت زينب عالي و صوته هو اي هو زين شجابه من الصبح الساعه ثمانيه شعجب جاي و يصيح لملت نفسي و مشيت للباب افتهم الصار .. علي شايل علاوي و ديحجي ويه زينب بعياط

.. نعم ، شجابك لهنا و من الصبح المفروض انت يم عروستك هسه

علي .. يلا امشي و بلا كلان خرا زايد و بعدين جاي ارجعج مو لان احبج لا لان انتي الخدامه ..

زينب .. لك انجب لا انت و لا عشره مثلك تصيرلك خدامه و اعتبرهه اختي و بنت ابويه و خلي يرجع من الدوام و تفاهمو و ودق متطلع منا و لشوفك يا متخلف

علي .. لج انجبي ك.... انتي تهاددين و واكفه ويه رجال من عابت هالتربيه و خُفَت اي والله

زينب .. مو اني الي يتخلى بتربيتي يا عيب عالمراجل الي صارت تفشر و تضرب نسوان ما عدهه حامي اله ااخخ لو واحد من رياجيل البيت موجودين جان راووك نجوم الظهر يا ذكر

علي .. اي اي يراووهن هسا انتي روحي بدلي دينتظرونا عالريوك

زينب .. متجي و مو بكيفك يا ذكر لانك مو رجال انت ذكر و اصلا عيب تنحسب على الذكور و انت تمد ايدك على حرمه اهلها مو ببيتها

علي .. تعلمنا المراجل منج و انتي يلا روحي بدلي لا والله اسمطه سمط لاخوج مدام هاي يمج تكوا عينج يلا بدلي منتظرج