انا لوحدي ..

البارت السادس و الاربعون

.
#انا_لوحدي

.. عائله حلوه ام اب و طفل فجاة تنقلب تنكطععع و تتطشر نفس السبحه .. طفل صغير يشوف رجال غريب و امه و الباب مقفوله  بالحمام بالغرفه (( حسيته مثل الديبجي المنشول بس جانت عيونه تلمع )) الطفل كبر و هو يخاف يحجي لابو امه جاي تنام و تطبب غريب للبيت

عشت حياتي خايف هه طفل عمره عشر سنوات و يشوف العلاقة الزوجيه .. كليوميه جانت تضربني بالنطاق و من يجي ابوي الهيبه تقشمره على شنو ؟ ابنك ما عرفت تربي ملتهي بالكعدات عوف اهلك ابنك ديسوي كذا و اخذ القاط الثاني من عنده .. ما ادري اني ابنهه من صدك ليش هيج تسوي بيه .. ابويه ناطيهه ثقه و دوم تخونهه اتذكر وجه الي جان وياهه مرات تكرهين شخص من صوته تعرفي بس انه عرفته كشكل و كصوت اخخخ لو الزمه مره لزمته بس اسعد دافعله على اساس كرايبه

بس هسه اسعد و ميت والله لو شفته اقضي بيه التوبه .. هه الحمد للت طلعت بصراوي و اسمر ما طلعت عليهه و نفسهه دمهه سم بسم .. سكتتت

.. و بعدين يعني بيبي حسنه جانت تخون ابوك و تضربك مفهمت ليش تحبهه و تصيح الهه يمه لعد

اياد .. بيوم ابويه جا من وكت و نور ناسيه الغرفه ما قافلتها .. انه كتله يابه بسكوت طب فاجئها .. هههههه احلا مفاجئه جانت .. اني خلصت ضميري من العذاب انوب ابويه انتكس لان نور هي الي (امه) تركته الكل صار يحجي البغداديه حبيبته خانته و هذا الشي يعدم رجولته ..

كل محاولات عمامي فشلت باقناع ابويه حتى يقتلهه و يغسل عاره .. بس ابويه جان عاشكهه و يحبهه و صار الوكت الي جان لازم ابويه يودع الدنيا و يتركنا .. مات ابويه وصى انه الاكون الشيخ و وصى ماحد يتقرب من نور هه .. مرات القلب يظلم ميخلي يندل طريقه .. اما حجيه حسنه جانت هي مرت ابويه الاولى

بالبدايه رضت ابوي يتزوج و رضت يطلع بيت وحد و يعوفهه ربت بناتهه السته و ربت ولدهه الثنين .. من جيت و كعدت يمهه بعد ما انكشفت نور صارت اعز من امي و خواتي نفس الشي ما اعرف شكول بحقهن من كد ما جانن زينات و خاصة اسيل و ليهسه الي يحجي جلمه وياها لو يطخنها اكلب الدنيا على راسه و الكل يخاف .. من تزوجت سميره اخذتهه بت عمي لانها كريبه النه ما ردت اخذ غريبه و اوكع بالعشك مثل ابويه من مات و هو العشك يحرك بكلبه .. و بالاخير اجتني هم بغداديه ههه و هم شقرا و هم عشكتها ..

.. امك اسمهه نور

.. ممم بس ما بيوم جانت امي جانت عدووة الي مدري ليش جانت هالكد تكرهني و اني بالاكثر اكرهها

.. و اني هم اكره ازهار و اكره ازل

.. ازل ؟ منو ازل

.. ابويه

.. يلة هسه كومي غسلي وجهج و امسحي هالدموع الحلوات ميلوكن الج والله يا بنيتي ..

.. بنيتك