انا لوحدي ..

البارت السادس عشر

هلا .. صيام مقبول

كيف الحال ؟

________________ Al_jubouria
استمتعوا ...

من بعد الي صار مستحيل اشوف وجهه عزلت روحي بالغرفه حتى لا اشوفه شكد كان يحاول يدخل بس كنت لو اسوي روحي نايمه او اروح للحمام للمطبخ مراويته نضره ابداا اكلي قل و صحتي سائت ظغطي دومه مضطرب ..

بيبي تعبت و هي تحاول توديني حتى تسويلي حجاب جنت اكول هاي خرافات مجرد خرافات .. علاوي كان دومه نايم بحضني ميتركني ولا لحظه حتى من ادخل للحمام يبقى .. ها وتك اتي هنا بعتت هنا ملحتي متموتين .. جنت اذا عيوني يغمضن امعد الكيه يبجي يكولي لتموتين ..

باختصار علاوي صار لعبتي و حياتي و كل املي و مشاريعي بالحياة ابجي و اشكيله ميفتهم بس يسمع اكو احساس بشر ديهتملي ..

احمد دوم يضحكني و يحاول يطلعني من الجو الي اني بيه و يعرض عليه طلعات و يتوسل بس بعد تعودت للغرفه اطمش تلفزيون و العب بفون بيبي ، احمد ، عمتي ياهو الجان

.. مثل كل يوم لفيت شعري و رحت بست الحلو .. يلا علاوي اكعد ننظف وو راها شنسوي .. ابتسم عباله راح اصدك هو نايم .. نثبح بالمثبح و نغثل و نغدا ويه حماده و نام الطهر

.. ههه عفيه بالشاطر بس اليوم عندي الك مفاجئه يلا كوم كوم يا سبايدر مان البطل عن عن

.. ثبايدلمان انتلك

.. كلاندايزر انطلق مو سبايدرمان بس يلا اهمشي حب الوطن ..

.. ثيلي الثطل

.. لا اكو فوك سطل

.. اوتي يلا لعت

صعدت كالعاده اول غرفه اغسل الهدوم و انظفهه و اعطرهه هي غرفته .. كملت شغلي و دااطلع وقع نظري على الكاشيه السريه شيظم بيهه خليني اشوف ..

ماشه ، عطر نسائي ، فستاني الاحمر ، فلوس ، مجوهرات ، فوني القديم

يا عجب مو كال بعته لعد شكد جذاب تفو عليه يبقى نكس و جذاب هيج من امداي على هيج قسمه .. رجعت الفون و رجعت الكاشي دا اكول اندعمت بيه واكف .. واكف و مخصر و يباوعلي بطريقه ابد مو حلوه عيونه تتحرك بين مفاتني .. دفعته بخفه و فتت كملنه اني و علاوي انتظيف و طلعنا ورا البيت مكان مسكف فرشت المسبح و كعدنا نلعب بالمي طبيعه كلش حلوه وهادئه ..

لشوي و سمعنه صوت سيارة احمد شحطت للكراج اوو بدا اللعب حطيت الزاهي عالكاع و ضحكت بخفه اجا و هو مترهي و يحجي .. شكلنا البارحه راح اجي قبل متخلصون خلي اكعد وياكم مو كتلني الحر .. ديحجي و ز لكت رجله بالزاهي يسسسسس و اتزحلك هههههه

.. شلون مقلب ههههههه

.. مقلبيش كسرتيني متوقعتهه تطلع منج يالبطيخه اني اعلمج

.. هههههه خلينا نضحك عليك شوي ههه

.. تعالي اني اعلمج و يرش مي عليه و اني اضحك