انا لوحدي ..

البارت الخامس و الاربعون

#انا_لوحدي
من ذاك اليوم اني كلت راح يصير شي و فعلا الي صار مو قليل

.. جنت كاعده الف دولمه و دخل اياد يعيط و فاير و معصب كبل دخل لغرفة بيبي هو و رحيم و قفلو الباب

شكد عيط اياد بس كلامه ما مفهوم اسيل تكول عزه تبركع اخويه تبركع اخويه من عزه شصاير

عبالك بركان اجتاح كل البيت كملت الدولمه و حطيتهه على الطباخ علما تستوي اصعد انظف الفوك رحت بالايه لغرفتنه سويت الهه غسل و تشحيم

وراها بديت بالممر الي صاير بين الغرف فترسته زاهي و فركته بالفرجه دا امسحه صعد اياد عاط بيه مسحي هالليصه هاي و ديربالج على الي ببطنج ..

عفته و رحت يمه هو كاعد و يسبح و يتنفس بصوت عالي مسموع ..

.. اياد حبيبي شجاي يصير كلي يجوز اكدر اساعدك و ابتسمت بعفويه صفن بوجهي للحظلت و عاط

اياد .. اطلعييي برةةة

.. حبيبي اهدا اني مرتك احنه واحد نكدر تكولي شجاي يصير لتتعصب رخي اعصابك

اياد .. كتلج طلعيييييي

.. اياد اوكف شجاي تسوي سحبني و كلي يلا طلعي ما قبلت اطلع و بقيت اتقاوه وياه فتح الباب و دفعني بخفه .. الزاهي بالكع و غرفتنا اول غرفه يم الدرج تزحلكت بالزاهي و وكعت عالدرج مثل المره القبلهه بالظبططط

بقيت لازمه بطني و ابجي و هو يروح و يرجع و يحجي نزيف خفيف بلكي ما يوكع الطفل

.. راااح اللله لا ينطيككك اللله يطلع حوبتيييي بيكككك شمسويتلككك اجيت اواسييييككك اااااه بطنييييي بيبييي حبابه سويلي شي راح اموت

طلعت بيبي مفزوعه و عمو رحيم دز على القابله و اياد مخبوص و اني اعيط و اسيل كاعده يم راسي تبجي و تهدي بيه

.. اهئ اااه ابنيييييييي اللللله لا ينطيييك لك انتتتتت ابوووووه لك انتتت من يا ملةةة مستحيللل تكوننن بشرررر ما ريدككك لتسوييي روحكك مهتم رووح منييي ااااه يا بطنيييي دخيلكممم

ما اوصف شعوري بهالحظات مات طفلي للمره الثانيه و هالمره ابوه هو السبب عبالك عاصفه اعيطط احجيي بدون وعيي خسرت كلشي و بعدني جاي اخسر شهالحياة

فقدت الوعي ما كعدت الا اني بالغرفه تحركت بصعوبه حسيت على اسيل و هي تساعدني عبالهه رايحه للحمام

.. اسيل اريد اروح لبيت عمه رحيمه

.. يمعوده ل..

.. ما الي حيل احجي صوتي مطبك وديني بدون نقاش لان تعبت

.. شلون تصعدين اوكفي اجيبلج العبايه و الشال

.. ماشي راح اكعد على الدرج انتظرج