انا لوحدي ..

البارت السادس و العشرون

طلعت موس الحلاقه و باوعت على نفسي بالمرايه شريط حياتي التعيسه كله شفته شفت نفسي من جنت صغيره و هسه شلون صرت و شلو ن التعب بيت على ملامحي جسمي ضعيف و طولي قل ...

باوعت لنفسي كرهت نفسي و كرهت الدنيا تركت الموس و شلت علبة الصابون مصنوعه من حديد شمرتهه على المرايه حتى اتخلص من شكلي المعكوس بيهه

اسمع هوسه يم الباب بس بعد اخذت قراري مستحيل اتراجع  .. الباب نكسرت و دخلوا اولهم دكتور يوسف اخذ الموس من ايدي و حضني كللهم عوفونا لوحدنا ..

يوسف .. هيج تقتلين نفسج لاجل ضروف بسيطه بالحياة هيج انتي ضعيفه متوقعتج هيج ليش تعصين ربج و تاذين شي انطاجياه الج

.. ليش اطيعه و ما اعصيه اذا و لا مره ناطيني فرحه او ضحكه دوم ضحكاتي جذابيه دوم اعاني دوم وحيده دوم يعوفونر اعزاز كلبي ليش ليش ما اعصي مو متتت حتى قوه مضلتلي جنت اكول اني عايشه لخاطر اخويه بس بعد شكو دعيش شتحمل

يوسف .. هلكد املج و ثقتج بالله ضعيفه اصحي على نفسج لتعيشين لخاطر احد عيشي لنفسج

.. اطلع برا

يوسف .. تطرديني ؟ مشكوره و مقدر ضرفج حاولت اساعدج اذا راح تسويت هيج بنفسج معناه انتي مختله عقليا اني رايح بس قبل ما اروح اربد اعرض عليج و اخبرج بيه

.. احجي شكو

يوسف .. اني اريد اطلب ايدج للزواج انداريتله بصدمه و كتله .. لا ما اقبل

يوسف .. راح اعوفلج فتره فكري و اجي اخذ الجواب من عندج

طلع و تركني استغفر الله انوبه هذا هم عليه رجعت لصفتني مثل كليوم او يوم عادي ...

_____في مكان اخر _____

.. يمه احنا باجر طالعين لبغداد نشوفن اسيل اخيتي

.. اي يمه ميسر الدرب ان شاء الله و اذا راد الله وليدي

.. و اريد اخذه للولد لبو حسين تعرفين زين ذاك الاسبوع جته نوبة الصرع و خايف انه ارد يتعالج و يصير بخير

.. اي يمه اخذه و هو صغير  مو شيخ و هيه و مزيون كلهن يتمننه الا اكلك تعرفهه لبت جابر ردت اخطبهه اله

.. لا يمه انه فكرت ليش ما نخطبله بت رحيمه غليوه

.. غليوه اي اي و نعم الاختيار لعد من صبح اغدي للبيت رحيمه و اسئل و انت هم كللها

.. ان شاء الله يمه ان شاء الله الا اكلج رجاء بنتي منهي الي جايه علِيهه اليوم

.. ها الحمد لله ذكرتني اجت تتخطبهه ام رفيجتها هاي شيسمونهه شوزان يمكن

.. ههههههههه شوزان معناها تكرمين حذاءان ههه اسمهه سوزان سوزان

.. يا يمه انه شعرفني يا محله اسامينا كبل رحيمه و كريمه و سعديه و حم..