انا لوحدي ..

البارت التاسع و العشرون

اكثر اغنيه تنطبق على حال ودق ( الطفل الموهوب فهد بلاسم )  ...

ياروحي هستوني صرت والضيم شيب راسي .
ماعايش احساس الطفل شايب احس احساسي .
لو بيدي اموتن بس انا خايف اتعب ناسي.
مليت من هذا العمر .
مهموم كلبي من الصغر.
مليت ليوين انتظر .
والفرج يمكن ناسي .
من صغري زاعلت اللعب .
والشغل صار العابي .
ما عندي صحبه وننجمع.
مالاعب انه ببابي .
صغيرون بس شايل حمل عايش على اعصابي .
ماادري شمسوي انه .
ماضكت فرحه ولا هنه.
مليت من هذا العنه
والفرح يمكن ناسي
يادنيا شمسوي الطفل ماعنده بالدنيا امل
يادنيا كاتلني الخجل
موتتي حتى احساسي

اياد .. بعد يومين تقريبا لكيت الكل تعرف انه راح اتزوج بغداديه مرتي سميره زعلت و عافت هالبنات معلعلات بالبيت خواتي ما قصرن و عدلن الغرف و البيت و ميتات يردن يشوفن العروس ، امي رادت تروح لبغداد  بس امي هي مرا جبير اعرفنهه ما تكدر كلت يوم الخميس نروح انه و فهد و اخوي رحيم خواتي كلهن عدهن جهال و منهن العدهه احفاد و مسؤوليه ما يكدرن يرحن ويانه  .. بس بنتي رجاء الجبيره دكت رجل اجي وياكم اجي وياكم .. ما رضيت شو ثاني يوم و جتي اختي اميمه ...

اميمه .. ها خويه شكلت فدوه حباب

اياد .. اميمه لا يعني لا

اميمه .. بروح ابوك خويه

اياد .. لا ، لتظلين تركضين ورايه مثل الزنبور و تزنين براسي

اميمه .. بس اني و رجاء والله

اياد .. و العروس وين نحطهه

اميمه .. مو راح نروح بالسياره الجبيره احنا نكعد بالمكان الصغير الاخير هذا الورا عليك الله

اياد .. دوختيني ديلا بس اسمعي ترا  بس انتي و رجاء

اميمه .. اي  بس اني و رجاء

يوم الخميس الصبح طلعنا لبغداد اول شي رحنا لاختي اسيل كعدنا و هي كيفت للعصر طلعنا لبيت ابو حسين نعقد و ناخذ البنيه ..

وصلنا و  اميمه و رجاء طبوا يم النسوان و احنا رحنا يم الزلم جان عمهه و ولاده و الشيخ موجودين لشوي و كام الشيخ يسمع موافقتهه جان صوتهه بالكوه ينسمع مبينه تمثل اي شي اكيد بت بغداد بعد ..

ودق ..

كعدت بالبدله الابيض و الكل يركص شوي و صارت هوسه برا و دخلن نسوان ثنين الاولى صغيره كلش و الثاني تطلع بالثلاثين عمرهه اول ما فاتت سلمت و كالن احنه من طرف الشيخ و كعدن ...

رجاء .. ااا شسمج

.. ودق

اميمه .. عبالك شايفتج و اعرفج بس مدا اتذكر تتذكرين شايفتني

.. لا

شوي و دخلت مرت عمي انصر وياهه انوار و هدى و علياء ضليت صافنه انوب بوستني و كعدة تضحك و تمدح ببناتهه و تكومهن يركصن يعععع