انا لوحدي ..

البارت السابع و الاربعون

#انا_لوحدي
الصوت عالي ذبيت المسدس بخوف و حطيت ايدي على اذني سمعت هوستهم و يحاولون يفتحون الباب وكعت من السرير اتجهت للمسدس رجعت شلته و الكزاز دخل بايدي و بجسمي شلت المسدس سحبتهه بصعوبه لان دا ارجف وجهته لصدري تشاهدت هاي لحظاتي الاخيره لازم اسويها ما اكدر بعد .. ارجف ما اريد اموت بس لازم اخلص كافي تعبت

حسيت الباب ينضرب و صوتهم يصيحون باسم ودق بس مستحيل ما لازم اتراجع كافي شعندي بعد حتى اخسره خسرت طفلين و خسرته و خسرت اخ و خسرت عم بمثابة اب كافيي تعبت مالي واهس بالدنيا

.. ايدجج لا تسويهه ودقق لااا

.. لتتقربون عوفوني ارتاح تعبت كافيي عوفني ما اريد اعيش تركونييي عوفوني ارتاح عليكم الله اذا تحبوني عوفوني

اياد .. ودق لتسويهه الغي العرس اتركي لتضغطين ايدج من على الزناد ودق ارجوك ودق

.. لاا انت لتحجي انت اسكت  لازم اخلص بس اتذكر اني ما مسامحتك والله ما سامحك انت دمرتني انتووو كلكم دمرتوني و الدنيا دمرتني و اولهم ربييي من خلقني و ظلمني بهالحياة الي اعرفةةة الللله ما يعوف عبدةةة بس اني عافنييي

اياد .. والله اطلقج اوديج لبغداد ودق ايدج عن الزناد مدتعرفين شتسوين صدكيني....

.. شصدددددك شصددددددك بعد كل هذااا و تريدني اصددكككككك ولككككك كااافي خااااف الللله ارجععع لتتقدم ارجعع

اياد .. ارجع والله ارجع بس انطيني السلاح ما اتندالج

احمد .. بطيخه كافي انهي هالفلم هو واحد حيوان و ما يريدج بطيخه و انيي

.. انتتت مثلهمممم اربعتشهر خااااطططبب و اني كاااعده يمكك ما كلفت نفسك و كتليييي يا ابن عمييي يا سندييي لكم انتووو ليش الخيانه تمشييي بدمكممم فلممم فلممم انهي الفلم مو للاسف هالفلم نهايته سعيده و السعاده بموووووتيي لان انتووو مو بشر انتووو لا مثلي ولا راح تكونون مثلييي انتوو من يا طينه  ليششش شسويتلكمممم

اياد نزلت دموعه و حجه .. انطيني السلاح ودق

.. لاا مو مثل كل مره هسه من صدك راح اسويهه و بسببك انتت انتتت السببب

تقرب مني وجهت السلاح عليه ابتسم و الموع بعيونه .. انةةة شيخخ و ما بجيت بس مات ابويه و هسه انتي الي كسرتي عضااااي هذااا حبججج (ياشر على قلبه) حبججج لا تلوعيني و تسويني نفس عامر العاشك اموت

وجهتي السلاح عليه ماشي كتليني راضي ولا دموعج هاي

.. وخرررر لعبالك هسه هم هتقشمرنيي لاااا باحلامكك اكتلك و اكتل روحي وراك لان ......

.. ما تكملين لان شنوو

ابتعدت و صرت بصف الحايط و موجهه السلاح على قلبي .. هههههه تعرف شجتني فكرة راح اكتلك بس رتح ترتاح بهالحاله محسيت غير اياد يحاول يسحب السلاح و اني احاول ما انطيه اله ضغطت على الزناد و بعد محسيت على الدنيا ..