انا لوحدي ..

البارت السابع و الثلاثون

.
#انا_لوحدي

بقينا كاعدين و اجوي بيت عمو رحيم ..و هوسه رحنا كعدنا بغرفة بيبي لان الهول صار بس زلم و جهال و كم مريه كبار فكاعده و تسئل هاي فرح ابد ما رتاحيتلها

كمت جبت الهم جاي شو هاي فرح وكعته و تسوي يا ما ادري امسحي يلا مصار شي بالكزيز ولا بالعزيز كلبت عيوني و رحت نظفته و شلت الزجاج ...

بقيت كاعده الى ان صارت العشره و اياد اشرلي من الشباك عود يلا .. رحت عمامه ديطلعون هاي فرح و البنات جلبن يباتن باوعت على مرت عماد اشرتله يلا كلهن يلا باتن بس باجر تعالن لبيت عمجن علاء حتى ناخذجن مناك

و رد اندار على اياد كله انتو تجون للعزيمه مو اياااد جاوبه اي لعد شلون تسالمو و راحو بقن البنات يفرشن سوه و اني صعدت للغرفة هستوني طبيت و سديت الباب دخلت ورايه فرح معرفت شكوللها

بس هي عزمت نفسها و كعدت ولا عبالك ردت احجي هي كالت لعد اياد وين جوه بعده .. كتلهه لا بالغرفه شو هاي عدلت حجابهه و راحت للغرفه هزيت ايدي و مشيت و راهه هي دتحجي وياه و هو عينه بالابتوب و لابس تراك اسود

.. حبيبي نعست

اياد .. هااا اي اكمل شغل و اجي

و واكفه بلا مستحى عبالك مسمعت شكلتلهه .. ولا تتحرك يلا واكفه بصفه و تحجي وياه و هو حضرته متونس اي هم رحت طلعت ثوب نوم تن اوف وايات نازك و حطيته عالجربايه هم ثنينهم انداروا اياد تفاجئ بس هاي الصخله مهتمت و رجعت اندارت

فااني عود دتحضر البسه و كذا عود كدامهه دخلت سبحت بس المشكله طلعت ناسيه الثوب عالسري مجايبته للحمام 🤦🏻‍♀️ لبست البرنص مالتي و لفيت المنشفه و طلعت هي ماكو بس اياد اندار شافني بقى يباوع لجسمي و فاتح عيونه

اني بسرعه فشلت و رحت للطبريه انشف بشعري و اجيبه منا و اوديه منا الى ان نشفته .. و كمت اطلعلي دشداشه ...

اياد .. و هذا الطلعلتي شنو

.. مم محبيته مراح البسه

اياد .. بس اني حبيته البسي ليه

.. هااا

اياد .. يللة تحركي

بقيت صافنه بوجهه هسه شورطني و طلعته يبو كله من وره فرح الهايشه .. دخلت للحمام و رجعت طلعت هوه باوع عليه و ضحك ... شنو متعرفين تلبسين

.. مااا ماالبسه

.. لا تلبسي

.. ما

.. شنو هي مال عناد

.. اي مال عناد و هاي اقبل ابقى بالبرنص ولا البس هالشي الفاضح اصلاا عيب البسه

.. غير رجلج شنهي السالفه

.. حتلو رجلي عيب معليه

.. لعد البرنص استر مثلا شوفي شلون رجليج طالعه جنهن كشطه و وصدرج نصه مبين يباوع و يعض على شفته