انا لوحدي ..

البارت التاسع و الاربعين

.

#انا_لوحدي
بالطريق و سياره طبكت شفته احمد صاح بيه ودق !!!
كتله راح اموووت و القابله متقبل تجيبني دخيلك اخذني للمستشفى راح اموتت

شالني و صعدني للسياره و هو يحجي .. لتخافين لتخافين زين رجلج ميدري شلون هيج يعوفج شلووون بالله شكد ضغطجج انطقي احجييي

جاوبته و اني اتعصر من الالم .. اني بالثامن راح اموت من الالم و القابله تكولي تجذبين ما بيج الالم حباب اسرع راح اموووت معاد اتحملللل

احمد .. اي لي هاي المستشفة ما زينه اخذج لهذيج

.. اخذني لاي وحدةةةة ااااه اااه

احمد .. بس اتنفسي زين لا تسوين هيج

.. ما... ماشي

وصلنا للمستشفى و السسترات اخذوني و احمد بقى بره اجتي دكتوره تفحصني عاطت عالممرضه ..

الطبيبه .. هاااي شلون مبقيهه ليهسةة كبل لغرفة العملياتتت

الممرضه .. دكتوره اول عمليه تخلص بعد نص ساعه

الطبيبه .. حولو العمليات اجلوهن صخمو عزو حالتهه متستحمللل ضغطهه عالي و الطفل بوضع حرج سوولها سونار ليش بطنهه نازل

.. اا اان.. اني .. بي..يهة.. تتتوم

الطبيبه .. شعرفج منو دكتورتج مشافت حالتج افتحو عليهه قضيه شسالفةةة راح تموت البنيه جيبووووو اوكسجين

طببوني للسونار سوولي سونار طلع كيؤ يم الطفل عاطت الدكتوره هي بالاسبوع الاخير من الثامن الطفل مكامل نظطر نشيل الكيس ماما منو كلج انتي عندج توم ليش هالتحلف ليش مراجعتوو

الدكتورة الثانيه .. امل منكدر الطفل ديتحرك خلي نجيبهه و نودي للخدج

الطبيبه الاولى .. ننتظر خديجه هتوصل و نقرر

وره نص ساعه جتي دكتوره كبيره بالعمر و لابسه اسود سلمت و اجتي كالت هاي هي الحاله المستعجله جاوبنهه الطبيبات و بدن يشرحن حالتي الهه ..

د. خديجه .. الي بالكيس هذا طفل ثاني

الطبيبه الاولى .. بس ماكو شي يثبت

الطبيبه الثانيه .. اي نعم ماكو شي يثبت

د. خديجه .. هذا كيس البركه قبل اسبوع واجهتني نفس حالتهه نقلوهه الغرفة العمليات

الطبيبه الاولى .. منكدر نجازف

د . خديجه .. انتي متكدرين اني اكدر

الطبيبه الثانيه .. بس حياة البنيه و طفلهه مو لعبه بدينه و الضغط غدار و ضغطهه كلش عالي مستحييل

د . خديجه .. و اذا تاخرنا بعد ساعه جائز تموت هي و طفلهه ضغطهه معلك سوولها تخدير نصفي ابدل و اجيكم