انا لوحدي ..

البارت الثامن

هلا كيف حالكم
😊😊😊
.............................
زلكت رجلي و كلت هاهيه وكعت .. بس حسيت على ايد سندت ضهري و مخلتني اوكع باوعت عليه هو الي ماخذ قلبي ومحاس بيه .. هو الي بس الكلمه منه تكفيحني .. حبيته كلش وتعلقت بي

علي ..ثول شبيج انتي ليش متنتبهين

ودق .. اا...ااسفه وبعدت عنه داريد اروح للغرفه ماكو مشيت خطوتين و سمعته عاط

علي .. لج حيوانه هاي مبلله تبللت دشداشت... باوع عليه كصني كص بنظرته .. ليش هيج هدووووووومج مبلله

ودق .. جنت اغسل الطرما و اتبللت

علي .. احد شافج هيجججججج

ودق .. هااا

علي .. الغيييي

ودق .. ااا...ااحمد ه...

بس كلت احمد ...  سحبني علي للغرفه و كعد عالسرير بقيت اني واكفه

علي .. برببببج تحجين صدددك انتي ملابسج هيج مبلللللله و لاااااطشه عليج و كاعده يم اخويه انتي شتسوين شنهي قصدج بتصرفاااااتج والله اذا بعد شفتج تحجين ويه احمد و طوخيها اسحل بيج الكاع كلبه بت الكلب اخذ دشداشه و دخل للحمام لانو من رفعني دشداشته نصها تبللت فراح يبدلهه

ودق .. امداك يا كلبي من صدك فطيره يعني هسه يله فكرت ارد عليه شكله خلي نعيد العركه حباب .. بس والله شكله يخبل من هو عصبي و احمر و عيونه نار و صوته الحلو من يعيط اووف ذبت يمااي ...

وراها عدت المشكله و رجعنا نفس قبل و مرت اسابيع كمت اعشقه وانتظره يجي و اطلع من الغرفه حتى يحاجيني اوهم نفسي انو الي ديكوله من كل كلبه ارقب تصرفاته شيحب ياكل و شيحب يلبس و هملت دراستي كلش التهيت بس اراقبه و اسرح بي

الحمدلله نجحت من الثالث و عايشه حياتي عادي يعني بالغرفه منحجي اي شي ويه بعض و ببرا الغرفه صافي يالبن

كنت اقضي كل اليوم برا الغرفه خاطر يحجي وياي بحب  و يضحك و يتشاقه جنت اعرف مشاعري كلش زين بس كانت مشاعر مراهقه مشاعر مو ثابته

صح ثنيناتنه نعرف شنو مصيرنا و نعرف هو مماخذني و اني مو زوجته بس كلبي كان ميصدك اتمنى الحجايه منه

كنت افرح من اشوفه يضوج من يشوفني اضحك ويه احمد و يعكف حواجبه و يتعامل عادي بس احساس انو ديغار عليه ..

بس اكثر شي اتندم عليه بحياتي انو اني ما اعترفتله و ما عشنا هالايام بحب مثل اي اثنين متزوجين صح مو راهمين

و اني كنت بالبدايه رافضه بس تندمت على رفضي ...
Al_jubouria
♡♡♡♡♡♡♡♡♡♡♡♡♡♡

*♡*اذا انتو تحبون او تحسون بشي اتجاه احد كونو صريحين كولو الي بكلبكم دون متبالون لاي شي