انا لوحدي ..

البارت الثامن و الاربعون

.
#انا_لوحدي

اجه اياد بدون سابق انذار سحبني و رفع ثوبي و اني اعيط عليه شاف ظهري بسرعه نزل الدشداشه و سد عيونه من هول المنظر لا يسعد عدو ولا حبيب ابتعدت عنه و خزرته ردت اطلع لزم ايدي نترتهه و عطت انت ما الك حق تحجي لان انت السبب

تركت الغرفه و كعدت بالحديقه محد اقترب يمي و اني هم مهتميت كاعده و اهمس و احجي بداخلي ويه طفلي الي ببطني بس صار كولشي يمه يومي كامل احجيه اله ..

وره شهرين  من الحادثه جانت فرح مكيفه و تجهز لطفلها و اني محد يدري بحملي اياد هجرته و من يحاول يقترب مني اصده و هو هم ما بدر من عنده اي ردة فعل رغم كليوميه ينام يمي و ميحجي ويه فرح بس ويايه بس امنعه يقترب و هذا حقي مو هينه يتزوج عليه لا و فوكاها مرته حامل بس لليوم ما كتله اني حامل ولا فرحته ميستاهل

بطني شوي برزت لان اني ضعيفه  بس صرت البس عريض من رويده و اعرض بملابسي حتى ما ابين بس بيوم ..

جنت ابدل ملابسي و فجاة دخل اياد ضل واكف اني ابتعدت من كباله خاف يكشف اني حامل .. هو اقترب بعد الثوب من على جسمي بنتر و باوع على بطني و وسع عيونه و كال خصرج هالكدوته و بطن..... انتي حامل ؟

.. مدخلك

.. منين تحبلين لا لا صدك حامل بطنج جبيره

.. اي حامل و ازيدك من الشعر بيت اني بالشهر الرابع

.. هههههه صدكك يعني راح ييجيني طفل منج ليش ما كلتي كبل

.. هيج عجبني مثل ما ضميت زواجك اني هم و جنت مخططه اطلق و احرمك من ضناك

.. لج فدوة اروحلك طلعتي حبله اليوم شيخلصج

.. ابتعد مني

.. تدلل ام جهالي

.. هممم مصدك روحك روح بيعهن يم غيري

.. ودق يكفي صار هواي صابر عليج اني هم رجال و غريزتي تحكمني كافي عاد

.. مو عندك نسوان اني كلت ما صيرلك مره من يوم الخنتني

.. ايي ابقيي بانانيتج و تقرب يحاول يبوسني دفعته و بدلت ملابسي و هو جان معصب شلون دفعته دخل يروح فوك ما تزوج عليه يريد غرائزه والله يا الله صدك مو مال احترام

.. رايح يم فرح

.. هههي روح درب السد لا رد

كام يكسر بالعطر و يعيط و انتي و صوجج و اني شنو ذنبي و اني بكل برود كاعده عكس النار الي بداخلي ..

طلع من يمي وكفت عالباب اركص و اشتفي بيه لان عصبته هو هذا الحق و العدل يحيى العدل يسسسس

وره ساعه نزلت اميمه هلهلت .. وج عيني عفيه بيج ضميتيهه حتى الحيايه ما ياذنج

فرح .. عيني تره اني هم حامل عادي ريلاكس داده قابل بس هي