انا لوحدي ..

البارت الرابع عشر

هلا ..
كيف حالكم ..
ان شاء تكونو بخير ..

.... .... .... .... .... ....  ... Al_jubouria

.. لو تموتين ما راح تعرفين و خلي هاي ببالج انتي وسيلة انتقامي من ازل تركني بغرفته و طلع

يعني شنو ينتقم من ازل ؟ و ليش ؟ و اني شدخلني هو اصلا متبري من عندي .. اوف كل مشكله و سالفه يسويهه ازل توكع براسي

و محد يقبل يحجي شنو السالفه او يفهمني كلهم دارو ظهرهم و مقبلو كلش تعبت تفكير بالسالفه .. ايام و اني ال سالفه تنام و تكعد ويايه

و كلهم صارو عادي طبيعي يتونسون يضحكون و من ضمنهم علي الي اختفت عصبيته بمرور الايام و قرر يودي زلم و نسوان حتى تخطبله ..

قبل بيوم ..

.. ودق كومي اخذج لدكتور

.. ليش بيه اسم الله عليه

.. علمود اثار الحرق الي برقبتج

.. علي الله يخليك عوفني عبالك راح اموت

.. كلت كومي بلا نقاش يلا

.. كايمه لشوف لوين توصل وياك

بدلت و كتله يلا مشا كدامي كاشخ و متهندم و متعطر رافع خشمه و بمشي بثقه و ثكل الي يشوفه اليكول هنيالهه لمرته عليه هه

ركبت للسياره و سديت الباب حيل دا احاول ادخل حزام الامان .

.. مو هيج
تقرب و هو يعدله ديرجع رفع راسه صارت عيني بعينه و شفايفنه التقو اخذها بين شفايفه بدون استئذان كانو كان منتظر الفرصه .. تركني بعد ما نقطع نفسي .. عدل نفسه و رجع طبيعي مكال اي كلمه او نطق اي حرف وصلنا صف السياره بالكراج

نزلنا لدكتور اسمه د.خليفه الشرجي هو بالشورجه ببغداد دكتور مشهور بمعالجة الامراض الجلديه

اول ما دخلنا تسالمو و يكله تفضل علي الشاب لليوم اصيحلك علي الشاب على روحك المرحه .. عكفت وجهي من كال روحك المرحه خاف متوهم اذا علي مرح لعد اني شنو

.. اي شنو المشكله

..اثار حروق برقبتها متروح

.. ها شكد صارلهه

.. شهرين او ثلاثه تقريبا

.. معالجته او حاولت بخلطات

.. لا

.. ممكن تنزلين الجحاب اشوف اثر منهم

علي .. بس استاذ

.. اسكت ولك بكد بنتي و اصغر منهه هم فتحي بابا فتحي

فتحتله شافهن و كال شنو سببهن علي سكت و نزل راسه للكاع

جاوبته اني .. جكاير

.. جكاير؟

.. اي جكايره و اشرت على علي و والدمعه بطارف عيني