انا لوحدي ..

البارت الرابع و العشرون و الخامس و العشرون

دا اطلع من الغرفه دخل ادريس و سد الباب و حصرني بالزاوايه كمت ادفه و ابجي حط ايده على حلكي و حجه .. اني احبج ودق احبج

.. عوووفني عوووفني وخخرررر

.. بس اني اريد ابقى اريد اتزوجج ابويه راح يزوجني الج احبج احب كلشي بيج و خلصتي دراسه يعني كامله مكمله

...وخررر وخرررر اهئ مااريدك لحكولييي ما اتزوججك

..تتزوجيني يعني تتزوجيني و غصباا عنج افتهمتيييي

... لا ما اتزوجك لو تبقى اخر رجال على الكره الارضيه و ديلا رويني شراح تسوي

... احبج و ما اكدر اضربج بس وداعتج راااح اعذبججج و تزوجيني غصبببا عنج

... اعلى ما بخيلك اركبه خدامه و صرت الكم بس مال تزوجوني بالغصب و المن الك انت

... معاااجبججج اني معاجبج هاااا لعد عليان مو غصبوج على الزواج منه شو ملغيتي

... لا مغصبوني اتزوجته بارادتي و بكيفي احسن رجال هو مو ذكررر مثلكم

... هاي اذا جان متزوجج شو حتى عقد محكمه ماكوووو

... مو انت التقرر متصدك لتصدك محد جابرك و اربع حيطان اليعجبك طخ راسك بيه يا تالي المراجل تغصب النسوااان

... لعلمج باخوج اوكفيلي

... لااااااا علاوي لتسويله شيييي افتحلي الباب افتحححح لتقفلههه افتحح

قفل عليه الباب وطلع و اني ميته رعب يعني خلصت امتحاناتي منا اجتني مصيبه منا يبو عليه اويلي على حظيييي

____ في مكان اخر ____

.. اجلنه روحتنه لبغداد مات عمي و لتهينا بالشغل و الفاتحه و العزومات و احنه شيوخ خابرهه لاسيل كللها شهر يله نكدر نجي لبغداد لان تعرف الاحد الجاي راحله راح تولد و مانكدر نعوف البصرا .

.. عمي خابرتهه كالت عادي اصلا هي راح تكمل و ترجع

.. و اذا يرادلنا روحه لبغداد حتى تطيب يبني

.. ان شاالله ان شاالله عمي

.. السلاااااام عليكمممممم شيوخ

.. هلا هلا بحمَيِّد

.. كالوو طالبيني شنو لكيتو خبر سمعتوا شي عنهه موو

.. اي حمود تعال اكعد .. بس ردت اسئلك عله بيت عمك الهناك لان زتينا واحد يسئلهم عليها

.. اي همه كاعدين بمنطقة ال....... بيتهم بشارع ال .......

.. ها اي هو نفسه بس من زتينا الولد كايليله منهو و شتريد و شعليك متعاركين وياه و كايليله اخذت نفس بحسره

.. اي خالي شكايليه

.. نطتك عمرهه و راحت لدار حقهه بعد شنسوي الاعمار بيد الله كلنا لهل طريق