انا لوحدي ..

البارت الثامن و العشرون

ودق .. انتظرت الكل ينامون و طلعت من البيت مجان الي نيه بالهرب و اصلا ممفكره بهالشي بس طلعت و اني ضايق نفسي .. مدري شلون و شفت نفسي بحضرة الامام الكاظم عليه السلام كعدت ابجي يا موسى بن جعفر يا مسموم اخر مره اجيتك فقدتلي ثلاثه هنااا ذنبنه جان عائله  عائله تريد تتحكم بعقائدهه ذنبنه ناس لا يعرفون الدين شنو جوي لا ينتمون لدين و لا لمعتقد رادووو يفرقون صفوفنه رادونه نصير ناس تاكل ناس وهاي تحقق حلمهم و راحتلهم نصف الموصل و احبابي وراحوا ابجي و اكول يل موسى بن جعفر خفت اطب للكاظميه بسبب الصار بس ما شفت نفسي الا اني هنا بجاهك عند ربك ترضى بالديصيرر ابجي و ادعي انو الله يسويلي البيه خير الي و لصالحي لان دومي جنت اطلب الي بقلبي بس ميتحقق و يصير العكس كلت هالمره ربي عبدتك تعبت و هلكت اذا بعد هتعذب بجاه فاطمة الزهراء اخذ روحي لو تسويلي الخير الي تريده الي بس بدون عذاب خليني ما اتعشم و اتمنى و احلم خليني اطلب منك و ما اتشرط و اتمنى و انت يا ربي ارحم بالناس من امهاتهم و اني امي و ابوي ما رحموا بيه ربي طلع برائتي ربي ياعدني بجاه كلمن عنده جاه عندك بجاه موسى الكاظم و محمد الجواد ..

مدري شلون و حسيت على روحي كاعدة يم حضرة الامام الحسين و ابجي و رجال  يكلي كصدي النجف و زوري الاهل و سلمي على حيدر علي .. والله والله كعدت مفزوعه لكيت يمي مريه حجيتلها كالت اكو كيات تودي هاج هاي فلوس و روحي كتلهه اخاف كالت حيدر علي يدبرهه

كمت استاذنت من الامام كلبي لعب بس هم ميقبلون اتوسل بيهم لاخوي يودوني بس ميقبلون حملت درب طريقي و قصدت كربلاء كروه قليله جانت نزلنه السايق بالكراج

شايفين الطير المذبوح جانت حالتي امشي بطريقه اشبه للركض و دموعي تصب دخلت حضرة الامام الحسين و حسيت نفسي صغيره من كد خجلي من عنده يمكن اخر مره جيت قبل عشر سنوات زرته و بجيت و شكيت بس من اسمع الي ديحجون مصايبهم تهون مصيبتي (( من سمع مصايب الناس هانت عليه مصيبته ))

كملت من فرائض الظهر و العصر و رحت للامام العباس و الهم و البجي زاد و شهكاتي علت و يا مريه تشوفني تكليي حتى الجهال عدهه هموم الله يفرج عن همج خاله ميدرن شكد عانيت و هاي الجاهله ششافت دخيلك يابو الفضل ..

طلعت من الحضره و اني مهدوم حيلي اكو نسوان يدفعن قوي وحده منهن همجيه ضربتني على خاصرتي و تكول ما ادري بس شنو الالم ذبحني الحمد لله طلعت بسلام و كلت اروح للنجف مجنت مفكره باحد او باي شي جان كل همي حيدر عليي و الله يوفقني و يسويلي البيه صالحح الي ..

كملت زياره و اليشوف القبور كبل تنهمر دموعه بلا وعي اتمشيت و اني ادك و الطم جماعه مال ناس شافوني و سئلوني على اهلي المهم كتلهم كذا شارع كذا قطعه اهلي هناك مدفونين

نعم ، انها مقبرة النجف حيث اصبحوا و سنصبح حيث دفنت جميع احباب روحي و قلبي ..

وصلت لقبورهم اي همه اي همه .. صار كبالي قبر بيبي رحت ركض اتعثر بتعب و الم .. لجج بيبي ليش عفتيني بيبيييي عليج الله كومي شوفي شديصير بيه بيبي ارتاحيتي من عفتيني و كعدتي جوه التراب بيبي والله تعذب بيبي راح اموتت محددد ديرحمنيييييي ولا الله ديرحمنيي وياخذنييي عاد