انا لوحدي ..

البارت الثاني و الثلاثون

.
محسيت على روحي الا و غفيت بكعدتي ..

كعدت جسمي متنحل كلش رحت لغرفة بيبي رزلتني على صعدي يم رجلج و شعندج جايه هنا بهاليل و كومي و كومي كمت صعدت للغرفه اول مدخلت هو خزرني

اياد .. امشي رجعي منين مجيتي يلااا ساعه بالوحده جاية للغرفة يلااا طلعيي

فوك ماهو و بنته يغلطون يطردني .. اخذت بطانيه و مخده من الكنتور و نزلت للحديقه الخلفيه نمت و الدمعه على خدي اني معليه و كلهه نذبت براسي

كعدت على صوت عالي وضجه استغفر الله بدت رحمة الله كمت من مكاني و رحت للهول اشوف شديصير ..

بقيت واكفه بالباب اباوع الهوسه كل خوات اياد موجودات و عمو رحيم و اكو رجال كبير بالعمر و مريتين وحدت منهن دتبجي و الثانيه دترزل بصوت عالي ممفهوم من انتبهت عليه عاطت

... هياتهه الك.... طبعا الشريفه هالايام متنرادد جان وكفن بعينك ست بنات شمكصره عليك بنتي يااا ظالممم جايب هاي جنهه عصفور مهلوس هلكدهه

بقيت صافنه هاي على منو عصفور مهلوس 😒

رحت من يمهم كعدت بالمطبخ و هن صوتهن شعلوه شوي و دخلت المريه الجانت تبجي اول مشافتني هجمت عليه تضرب بيه هي خشنه و طويله موتتني حتى صوت ميطلع من عندي

جوي يتراكضون على صوت رويده بالكوه يلا وخروهه بعد ما هلسته الشعري  الكل ها و شبيج و خو ما تاذيني كلش اخذ على روحي يعني مصارلي اسبوع ووصار شكد ضربوني

كمت منهم و اني افشر بكلبي على هالحال صعدت للغرفه سبحت و طلعت انشف بشعري و الدمع بعيوني شلت شعري و كعدت اباوع بفوني باستياء ماكو دقايق و دخلت اياد كبل ذبيت الفون و دا اطلع من الغرفه و صاح على خير

.. متريدني هنا حضرتك اخذ راحتك خابر حبيباتك خاف ازعجك

اياد .. ها بدينه من صباحيات الله

.. اي من يجون كرايبك من صباحيات الله يضربن بيه و يسمعن كلام متحجيي

اندارلي و اتخوصر .. شو صاير لسانج مينكدرله انتي

.. هاي انيييي

اياد .. اي انتييي

.. عالاقل بس لسان مو غير شغلاتت

رفع حاجبه .. شنو قصدجج

.. ذاك هو قصدي مبين انزل جوه احسن ما اكعد يم ناس تضرب و متعتذر اصلا اني ليش دحجي وياك اني مزاعلتك

اياد .. هههههه مزاعلتني خهههه عيديهه بالله عيديهه

.. مزاعلتك

اجا يمي حضني و يضحك و يباوع لوجهي و يكول مزاعلتك هههه

.. بس اني مو هيج احجي

اياد .. استري على نفسج و لتنزلين يم سميره و هيج تحجين 

.. ليش منو سميره