انا لوحدي ..

البارت الواحد و العشرون

هلا

كيف حالكم ؟

مشتاقتلكم حييييل كوممممممه هووووايه كللللللش  و اعذروني عالتاخير و التقصير

.. اليوم مثل كل يوم كعدت بدلت غسلت مشطت لبست حجابي اخذت كتبي صوت الخط اجه رحت للمدرسه كأي يوم روتيني عادي مدرسات هوسه طالبات

جنت وحدي كاعده كالعاده افكر بحياتي شمستفاده ؟ شنو ذنبي اني؟ حسيت ايد طبطبت ع ظهري اندرت لجهتي اليمنى اشوف منو ....

اجاني صوت .. اووو يا دوقه لساج كاعده هناا ولج كومي يا امي ترا اذا المديره درت تكرعني

ودق: هلا خاله اخذتني الصفنه وم....

ام اسماء: وخلخاله هازه كاروكج انه

.. ههه يا خاله و لا يهمج

ام اسماء .. هم كلتي خاله

.. اسفه يلا حسبيهه عليه

ام اسماء .. ولج يلفاهيه جا عليمن احسبهه شلونه علاوي معاد تجيبي يمي شعجب

.. تعرفين المديره متقبل و انتي هم شغلج هنا اقفل عليه الباب لو اعوفه يم الجيران

ام اسماء .. يعينج الله خاله يعينج الله والله كلبي عليج ليش متجين تعيشين مثل بنتي بس بعد قناعتج

.. شعيش هو شبقالي يادوبك الشقه ماجرتهه بميه و خمسين حتى سبح ببيت زينب نسبح اله خليهه سكته والله العليم

ام اسماء .. زين مو عندج عم ليش متروحيله .

.. انصر اروح لانصر و جهاله لااا مستحيل هو ويايه بيبي و مكدرت الهم عاد هسه وحدي ويايه طفل

ام اسماء .. والله يا ودق سالفتج تحير و تشك الكلب

.. شسوي هذا نصيبي لا الله دياخذ امانته و لا ديريحني لا اله الا الله

ام اسماء .. انتي رغم كلشي مؤمنه خليج هيج ت.....

.. جان ياذيني و يضربني بس جان يلبيلي اي حاجه و يتسامر ويايه الله يرحمه تعرفين خاله جان يكلي ورايه تتبهذلين و العيشه غير بس جنت افكرهه سهله بسس هسه من شفتهه لا صعبه و كلش صعبه

ام اسماء .. زين ليش متخابرين ابوج

.. ههه اي اب اي اب تحجين انتي اذا قصدج اب فهو مات عمي جان ابويه و سندي وراح اخذته دنياي ويه الباقين

ام اسماء .. اوووف يا بطيخه شحملج حمل

.. ذكرتيني باحمد ابو حجاية الحلوه الجان ملاكاه بالف ميصيحلي غير بطيخه معقوله عايش و ناسيني الصديق الوحيد الي ، الي جان بكلشي ويايه و هسه محتاجته و ماكو

ام اسماء .. زين هو بيت جدج شنو سووه وقف

.. اي طلعوني منه بلا رحمه ما الي حصه بيه