انا لوحدي ..

البارت العشرون الاخيررررر

هلا ..

كيف حالكم يارب تكونو بالف خير يا احلى ناس ..

ممكن تدعولي بالمعدل الزين دعوة الغريب مستجابه صح انتو عائلتي مو غربه بس ادعولي بكد محبتكم الي♡

كالو ما تجي وكالو عليك بعيد

كالو ما تجي وكالو عليك بعيد

ودرب كلش طويل البينك وبيني

شح مني الدمع كد ما بجيت أعليك

وأعاتب بالكمر هلبت يواسيني

ظلم كلش ظلم تحيا وتموت بشوك

وجا شنهو العمر من تذبل رياحيني

تعب حتى الورق حبر ودمع مخبوط

وحسره وي القلم تأذيني وتبجيني

صفة رسمك حلم عذب حنايا الروح

مثل طيفك أبد ما شايف بعيني

نهر طولك عذب صافي ويرد الروح

وأنه الميت عطش وبكطره ترويني

أكتبلك شعر وأسطرلك الأبيات

وانته بلا بخت بالفركة تجويني

قيس بعام واحد وتيبّس من الشوك

وآنه سنين مرّت ما غفت عيني

كلي شلون رايك والعمر محسوب

وجلمات الشماته تكول ناسيني

طلابه وي العشك وأيامي كلهن ليل

وشمس حبك ظلم من ما تضوّيني

كافي من العتب راح أختم الأبيات

وأحجيلك سطر بي كل عناويني

مثلك ما شفت ولا رايد ولا ريد

وأحبك موت عنوان لدواويني

ريت العمر مشوار تكضي ايامه وتعدي

ريت العمر مشوار تكضي أيامه وتعدي

ولو أدري الوكت دولاب ياخذبينه ويودي

جا ما شمت الشمات بيه ولا خنت

ودي ولاخليت دمعي يسيل

تيزاب وحرك خدي ..

مو انته الكلت أعوفك واخلف بوعدي

أشو نص الدرب يفلان وتبريت من عندي

لحيمي ودج عليه الريش

وجناحك كوه بجبدي كل هذه التعب

والطيب ضيعته وصرت ضدي

صدك ينسى الفكر والضيم من يستغنى لمجدي

بعد وردة شبابي تفوح ما طاحت بمرض معدي

بعد حملي عدل ما مال ليش تعوفني لوحدي ..

تدريني خشب وبنار بفركاك رماد وابدي كل جرح يألم يطيب