انا لوحدي ..

البارت الثلاثون

بارت اعتذار 😥 لان البارحه البارت كلش قصير هذا باىت اعتذار منكم ❤

حطيت مكياج حتى ابين عروس و كذا طلعت هو كاعد يكلب بالفون رفع راسه و حجه .. شنو نمتي

جاوبته .. لا بس غير لطلع على بكامل اناقتي و عدلت حجابي

دنطلع هو نسا فونه فكال كملي الدرج اجيب المبايل و اجي نزلت بس باخر درجتين شفت علا و غلا هن منتبهن بس اني شفتهن ما ادري جمدت بسرعه رجعت ركض سديت الباب و انداريت صار اياد قريب عليه باوع بعيوني مدمعه ..

.. شكو شصاير
.. هن اي هن اهئ جوه متاكده
.. بس اهدئي شبيج اهدئي ليش هالدموع شصاير اروح اشوف
.. هم جوه اي والله اعرفهم
.. بس ركزي ويايه احد اذاج شبيج تعالي تعالي كعدي كعدني و نكاني كلاص مي و انس ارجف ميته عبالك صاعقه بعد هالسنين و الايام

المفروض افرح بس صدمه كلش جبيره جانت ممتوقعه اشوفهم و لا يشوفوني

كعد يمي و كال شبيج ليش هالبجي و الدموع شصاير

جاوبته بتلعثم  و اني احاول اكتم شهكاتي .. عمو اسعد و غلا و علا لمم..منو ليش علا و غلا اهنا اني وين

جان مدنك راسه بس سمع كلامي رفع راسه و صارت عيونه بعيوني فتح عيونه بصدمه و كال انتيييي !!

نزل راسه و رجع رفعه باتجاهي و كال بس متغيره بعدين كالوا ميته و شلون و شوداج لبيت ابو حسين

بجيت و كتله منو انتو اني وين اصلا عفيه دخت والله احس بدوامه

.. انتي مو مرت المرحوم علي

.. اي اني

.. اني خاله و علا و غلا يصيرون بنات اختي رحيمه

.. ليش ليش مسئلتو عليه مدورتو شجابني و ليش شديصير

.. كالو توفيتي انتي فهميني شديصير

.. اهئ سالفه طويله

كام وكف و كلي كومي ننزل كوميي لزم ايدي بقوه و نزلنا اول  مدخلنا بالحولي هواي نسوان و جهال يمكن خواته  كامن يهلهلن و يهوسن.

كلي هاي امي من رفعت عيني و شفتهه شهكت و نزلت دموعي اتذكرهه اي هاي بيبية احمد و علي الي جانت تجي يمنه ببغداد فتحت عيوني بصدمه

هي هم شكلها عرفتني اشرلهه اياد و كلي بوسيهه بوستهه و اشرلي على عمتي رحيمه و كلي هاي اختي الجبيره من شفتهه ؤكضت لحضنهه انوح بصوت و اون هي هم شكلها عرفتني حسيت على دموعهه

رحيمه ..يمه ودق هاي انتي متغيره شجابج منين مو كلتو ماتتتتت

اياد .. انه هم متفاجئ مثلج معرفتهه الا قبل شوي من نزلنا و كالت علا و غلا بنات عمي

علا و غلا اجو يحضنون بيه و اني ابجي بقوه ..

ابتعدت من عدهم و حجيت .. والله يا عمه و كفو سنتين لا يوم و لا يومين محد اجاني عمه تعلعلت لوحدي