انا لوحدي ..

البارت الرابع و الاربعون

.

#انا_لوحدي
صعدت غمضت عيوني و احاول انام قبل لا يجي اياد و اضطر احجي وياه .. الحمد لله نمت كعدت الظهر بالوحدة هو ماكو طالع لشغله و اني تنبل مال نوم ما حاسه ..

نزلت جوه و كضيت اليوم افتر منا و هنا صار الليل و هو ماكو رحت اسئل بيبي جانت كاعده تقرة قران ..

.. بيبي اياد ليهسه ما اجه طول خاف صارله شي هو كلج راح اتاخر

صدقت و رفعت عيونهه من المناظر .. ها يمه شنهي ما كلج هو رايح للناصريه

.. للناصريه

.. اي يمه عده كعدات غير تلث تيام و يرجع

.. هاا اوك

عفتهه و صعدت مسمعت شحجت ورايه بس صعدت شايطة لعد يسافر ولا يحجي ولا يكول ميخالف اوكفلي يا ايااادد

دكيت عليه مرد بقيت ادك و افصل ادك و افصل .. الى ان هو دك ..

اياد .. الو خو ما صاير شي هاي ليش هلكد مخابره بيج شي امي بيهه شي

.. لا شيصير بيه قابل احم احم اساعه وحده و لساك ما اجيت وينك

اياد .. انه مسافر بالناصريه ما تدرين لازم كولي رايده شي

.. اي والله هسه ترجع تطلكني انت واحد ظالم و مينعاش وياك عيشتك كلهه قهر بقهر سد الخط بوجهي رجعت خابرت رفضه بقيت اخابر الى ان غلقه بس شنو اني متت كمت اضرب على وجهي و ابجي يعني صوجه هو مدري صوج كلبي الي عماني بالغيرة

ماكو نار مثل نار الغيرة بقيت كاعدة للصبح و ابجي بكل حيلي و المي و ادك و رقمه مغلق الى ان دكيت و طلع مشغول الحراره صعدت لراسي بقيت ادك و ادك الى ان رد ..

اياد .. ولجج هااا هاااا صوجي و نكمعت و تزوجت من طيح الله حضي على هالزواجه لج اصبري لج يامره يمي زلم لج يا مره فهمييي عقلجج وين موتتيني و الحسين اذا دكيتي لجي من الناصريه اسحلج سحل يلا ولي

.. اوكف لتسده انت مو حلفت بالحسين اني هم و الحسين و حك ابو فاضل ما باقيه للعصر اذا ما اجيت الم جوالاتي و بعد تحلم تشوف وجهي و سديت اخط قبل ما يحجي

رد اتصل صراحه خفت انو ما اجاوب نوب يسويهه سالفه .. جاوبت و نزل بيه فشار و رزايل على روحه و عليه اخر شي كال .. لو عندج اهل جان خليتج توليين بس ما عندجج احد اكعدي و انجبييي شتالي وياج

.. الماعده اهل موجود ربه مو انت التحجي هيج و تهيني والله ثم والله ما مسامحتك على كسران هالخاطر و على حجيك مالي ذنببب اني اذا ما عندي اهل روح يا اياد الله لا رجعك الله لا ينطيك ما مسامحتك ليوم الدين كسران خاطري بركبتكك عايفتلك البيت و رايحه لاهليي بس انت متعرفهم و راح تعرفهم

سديت الخط و هو محجه اي كلمه من صدك طكت روحي ياهو اليجي و صاح ماعندج اهل شنو ذنبي اني جنت غلطة بيناتهم اويلييي عليكم من عفتوني يتيمه و انتو عايشين