انا لوحدي ..

البارت الثاني و العشرون

وصلت للمستوصف بالكوه اسحل بنفسي اول شي لازم اكص باص و انزل على الدكتور ..

كال لازم ترحين لدكتور يوسف بالطابق الجوه مشيت و اني كايده علي الي مو احسن من حالتي .

نزلت اني و علاوي للطابق الجوه و مشينا بسرعه على غرفة دكتور يوسف اول مدخلنا كان كاعد على الميز كال تفضلي شنو المشكله انتي ودق مو 

.. اي اني ودق فلاونزه و حتى ريكي مدكدر ابلعه

.. امم فتحي فمج اشوف بلاعيمج

.. و ليش تشوفهه لا لا

.. قابل شراح اسوي يلا خيتي

رفعت النقاب هو ضل صافن مره يباوع عليه و مره على علاوي و يكول ابنج بي حساسيه مو كتله اي بالاخير كمل و رجع لمكانه بسرعه كتب الوصفه ..

.. هذا الدوه تجيبي من بره لان صيدلية المستشفى ممتوفر بيهه

باوعتله هو لو عندي جان جيت تركت الراجيته و كمت وصلت للباب صاح ورايه نسيتي الوصفه صدك مبين عليج المرض ههه

كتله لا منسيته بس ما اكدر ادبر العلاج هي ليش سموهه مستشفى حكوميه بالله

.. ااا شنو

.. سلامتك دا اتركه و امشي كلي امشي للصيدليه بلكي اكو دوه بديل .. اومأتله براسي و مشا مشيت وراه هو راح مدري نص ساعه واكفه انتظره يله جا نطاني العلاكه و كلي هاي هنه و اذا تحتاجين شي خادم

كتله تسلم و طلعت بالطريق ؤحت شفت زينب و حجيتلها عن سبب غيابي عن المدرسه شوي تعللنا و رجعت للبيت ويه مدا اصعد للعماره حسيت مثل الصاعقه القويه و اخذت كل جسمي وكعت من الم جسمي و خدره ..

فتحت عيوني بببيت لا بيتنا و لا غرفتنا شنو هاي اني وين كمت بسرعه بس الي فاجئني طلع دكتور يوسف وياه بنيه يمكن مرته كاعدين يمي فزيت مرعوبه هو بدا يهدي بيه و جاب علاوي و كعد يحجيلي ...

.... خلي اعرفكم عن نفسي اني يوسف اشتغل بمستوصف كاي طبيب جديد و عادي عمري ٣٣ ما متزوج بس خاطب بنت خالتي صح ما اهواها بس الزواج ثم الحب هذا قانون اساس عندي ..

بيوم من الايام دخلت بنيه مبوشه وياهه يمكن ابنهه كانت رافضه تشيل النقاب شكيت بيهه ارهابيه لحيت عليهه تشيله بحجة الفحص بالكوه شالته اتفاجئت بالشكل الي سبحان ما خلق و دقق العيون الي نص الوجه لو الشفايف المتروسه صح وجهه ضعيف بس مشايف هيج حسن بحياتي عيون كحيله عسليه و رموش حواجب  لون خشبي

يعني كانت ما شاء الله غايه في الحسن و الجمال انتبهت لنفسي اني شصافن استغفر الله توقعت هذا اخوهه ابن عمهه يس مو ابنهه لان عمرهه جدا صغيره مبينه بس خاب املي لما سئلتهه اثبتتلي هذا ابنهه

اصدك دنت نفسي عليهه اول مره بحياتي انعجب و اتمنى مرتي مثلها استغفرك ربي نوب شكد ثوله عافت الراجيته الي كتبتها الهة وراحت بس شدني و جذبني الهه لما كالت ما اكظر ادبر العلاج حسيت نفسي تاجر مخدرات مو دكتور .. الصيدليه ما بيهه اي علاجات تفيد عالسريع طلعت من باب الصيدليه الخلفي و رحت لصيدلية صديقي بصف المستشفى ليل نهار يفتح لان المستشفى ميتوفر بيهه الادويه فهذا رزقه