انا لوحدي ..

البارت الخمسون و الاخير

.

#انا_لوحدي

بقيت كلبي يلعب ما عرفت شسوي و شتصرف حطيت المخدات و كتله اياد اقفلهه الباب خاف احد يجي يمه كلي هي الغرفه كبال غرفة امي قابل شراح يصير دمشي لتوهسين .

رحنا كعدنا و اني روحي بقت بالغرفه يم ثابت كلساع و اباوع خاف احد طب خاف احد فتح الباب

شوي و جود جاع بعد ما بيبي كالت هاي غازات ما مبروك ولا شي

كمت اجيب الممه من الغرفه كلي اياد الترمز فوك نسيناه جيبي وياج صعدت جبته و نزلت باوعت هاي ام سميره شجابهه يوو شعليه خلي اشوف ثابت و اروح اودي ممه لجود ..

رحت للغرفه الي بيهه ثابت و شفت اصعب شي بالحياة كلها و بالعالم كلها لو وحده بمكاني جان ماتت

فتحت الباب على كيفي حتى ما يحس اذا جان نايم و شفت سميره كاعده عله صدره وكع من ايدي الترمز حطيت ايدي على خدودي و لطمت

... ماماااا ثااابتتت ابنيبي لجج سميرةة كوميييي لحكوووولييي ابنييييييي ثابت يمه عزةةةةة ابنيييي راااح

اجه اياد يركض حط راسي بصدره لان المنظر مستحيل يعجب احد كاعده على رجليه و صدره و بس وجهه طالع صاير احمر و شفايفه زرك ادفع باياد اريد ابني خلي نسوي شي

دفعته و ركضت سميره يمي بالزاويه ختلت و اني ركضت على ابني الي عيونه مكلوبه و صفر .
.. مامااا اكعد ولك حبيبيييي اكعدددد لتفجعني هيجج والله تعبتت ماماتي انت نامم ناممم دخيلك ايادد كول نايم

اياد .. لاااا ااااااله الااااا اللله

.. ولك كووول عايش ما ما ابني اخذه للمستشفى

اياد .. ودق ودق

.. نطينيااااااااه عوفةةةة بيدي هو ديشاااقه عوفةةةةة

جريته من اياد و شلته و ركضت بدون ما البس برجلي ركضت للمستشفى القريبه و اياد يركض ويايه و يحاول يلزمني بس مجنت اريد اوكف و استسلم اريد اجرب كلشي حتى انقذ قطعه من جسمي

دخلت للمستشفى الدكاتره استلمو باالاسعاف

.. ها دكتور كول عايش حباب كول عععايش احجي و دموعي على خدي و اعيط بعلو صوتي و جسمي يرجف مثل السعفه

.. للاسف هذا قدر الله البقاء بحياتكم

دفعت الاطباء الي واكفين و سحبته و ضميته لصدره و اكله انت متموت انت ابن ودق لازم تعيش جنت شكدد مخططتلك ماما حبيبي لتروحح اني امك و دكلكك لك ماما الطفل يسمع كلام امه حبيبيييييييييي

جنت مثل اللبوه الي تدافع و اريد تنقذ طفلهه بس للاسف راح
جرو مني كعدت ابجي بهدوء و الدموع حاره على خدودي اياد يحاول يكومني اشوفهم و هم ياخذونه و احاول استرجعه بس ما اكدر هاي النهايه ..
كعدت بالردهه اياد حطلي عكاله على راسي و كعد يمي انتجى عالحايط اجتي دكتوره و كالت لتزعلون هذا امر