#سيكوباتي
#Heba_Montaser
الفصل السادس
ا~~~~~~~~
نظر ياسين الي الهاتف بامتعاض واجاب قائلا : الو ازيك يا طنط شيماء عاملة ايه
شيماء : الحمد لله بخير امال انت مجتش ليه يوسف بيقول انه شافك وهو راكب ورايح الدرس وفكر هايرجع يلاقيك في البيت
ياسين : معلش اصل كنت مواعد خالتو اني هاجيلها وكنت بوصل سلمى
شيماء : وهو احنا ملناش حق فيك زى نوال!! ده اخواتك اللى من دمك مبيشوفكش زى اخواتك اللي يدوب من الرضاعه وبعدين ابوك برده له حق
ياسين : مفيش عندى فرق بين اخواتى دول واخواتى دول ده غير اصلا انى متربي هنا مع سلمى وسهر ولا انتى ناسيه انى مكنش مرحب بيه في وسط اخواتى اللي من لحمي ودمى الاول... انا مش قادر افهم ايه اللي اتغير ايه الحنيه دى كلها
شيماء : انا!!! اخص عليك طول عمر بيت ابوك مفتوحلك غيرش انت اللي كنت متعلق بخالتك اكمنها خدتك لحمه حمره بعد امك ما ماتت الله يرحمها
ياسين : اسم الله عليكى خالتى هى اللي مربيانى عشان كده هى قبل اي حد عندى وهابقا اجى اشوف يوسف وياسمين وابويا بكره ان شاء الله
شيماء : براحتك يا ابني هاقولك ايه سلم علي نوال واخواتك
ياسين : الله يسلمك.. سلام
...
نوال : كنت قمت خطفت رجلك وسلمت عليهم وجيت وريحت دماغك من الكلام ده
يا سين : دا انتي طيبة اوى يا امى.، تلاقيها عازمه اختها عندها وعايزانى اروح عشان تقعدنى معاها غصب عنى
سهر : عملاله مصيده يعنى 😂
نوال : قومى يا بت زاكريلك كلمتين وانتى زى عدمك كده
ياسين : ايوة قومى يا ام لسانين بدال ما تحشرى منخيرك في اللي ملكيش فيه
سهر : انا هاقوم ولو انى و ربنا ما عايزه اخش الاوضه دى حاسه انها بقت عامله زى السجن بتكتم علي نفسي اول ما اقفل بابها عليه.. بس عزائي الوحيد ان لومه هتبات معايا فيها النهاردة
سلمى : هانت يا سهور كلها شهرين وتدخلي علي الالعن 😂😂 قومى قومى ننام..
انا هاموت وانام
ياسين : يلا يا هنوده تعالي نام جنبي وحشنى يلا
شريف : ربنا يخليكو لبعض هاقوم انا انزل الورشه ساعتين كده هاخلص شغلانه كده وهاقعد ع القهوة شويه عايزه حاجه اجيبها وانا طالع يا ام ياسين
نوال : ولا حاجه سلامتك
شريف :تصبحوا علي خير يا ولاد سلامو عليكو
الجميع :و عليكم السلام
خرج شريف فقامت نوال قائلة : هاخش اغسل ا لمواعين وانضف المطبخ قوموا ناموا
ياسين : ماشي
دخلت نوال المطبخ وكذلك سهر الى غرفتها وانشغل مهند مع احد قنوات الكارتون وبقي ياسين وسلمى يتحدثان فقالت سلمى : انت ليه قفشت كده علي الغدا مع ان عمو شريف عمره ما حسسك انك غريب وطول عمره بيعاملك زينا بالظبط
ياسين : مش عارف يمكن انا اللي بقيت حساس زياده عن اللزوم... ساعات بحس اني زى اللاجئين.. اتولدت من هنا امى ماتت وامك اخدتنى رضعتنى وربتنى معاكى واعيش مع جوز خالتى اللي هو ابوكى الله يرحمه وبعد ما بابا اتجوز طنط شيماء فضل كل شويه ياخدنى هناك علي غير رغبتها وكانت تعاملنى بقسوة وجفاف واهمال فكنت اسيبهم وارجع هنا تانى.. حياة غريبه... ويوم ما الدنيا تستقر وخلاص خلصنا ثانويه عامة ونافذنا وعدنا لابوك نرجع نلقيه مات حتى قبل ما نفرحه بنجاحنا... وبعدها امك اتجوزت عمو شريف.. صدمه ورا صدمه صحيح حقها وانا عذرها بس دنيا صعبة عشتها اتشردت!!
التفت ياسين لسلمى فوجد دموعها تغطى وجهها فقال : نكدت عليكى انتي اللي سألتى متزعليش يا بت انا اسف قلبت عليكى المواجع
أنت تقرأ
سيكوباتى
Actionجريمة قتل اتهم فيها بعدها اودع مصح عقلى .. كان يائس تماما لا يتمنى سوى أن تنتهى حياته حتى القاهآ القدر فى طريقه فاعادت له الامل
