#سيكوباتي
#Heba_Montaser
الفصل التاسع
ا_________________
اخذ سليم يشدد من قبضته علي عنق سلمى وهى تحاول التقاط اى ذرة هواء تبقيها علي قيد الحياة تحاول التخلص من قبضته التى كبلت يديها علها تستطيع حقنه بالمخدر الذى تحملها معها ولكن دون جدوى فقد ماتت قبضته علي يديها فتحت عينيها لتنظر الى الكاميرا المثبته في الغرفه فوجدتها مغطاه بملاءه بيضاء تمنع اى احد من مراقبته نظرت في عينيه تستجديه ان يتركها عندها دقق النظر في عينيها وخفت قبضته من على عنقها ولمعت عينيه بدمعه لا تعرف لها سببا ثم تركها وعاد الي فراشه دون كلمه واحدة
اخذت سلمى تسعل بشده الى ان استعادت هدوءها و ملئت رئتيها بالهواء وقالت : امال قتلتها ليه لما انت كنت بتحبها كده
سليم في هدوء يتنافي مع البراكين الثائرة بداخلة : عايز سجاير
سلمى : سجاير!! بس ده ممنوع
سليم : خلاص متستنيش منى كلام اطلعى بره
سلمى : هاشوف هاقدر اعمل ايه
ثم خرجت من الغرفه و اتجهت مباشرة الى مكتب محمود وقصت عليه ما حدث فقال : كنتى هتموتى بتهورك ده
سلمى : مكنش ادامى حل تانى كان لازم استفزه عشان يتكلم
محمود : هو برافو عليكي بس انا مستغرب من موضوع انه فاهم سبب اختيار دكتوره اللى تتابع حالته مش دكتور انا نفسي مكنتش فاهم.. ده غير انه عايز يقنعنا ان في مؤامرة معموله عشان تظهره سيكوباتي وده كلام مش لازم نثق فيه ميه في الميه
سلمى : يبقي لازم نخليه يتكلم اكتر عشان نقدر نفهم اكتر
محمود : انا هاجيبلك السجاير بس مش هاينفع يشربها في اوضته كده الريحه هتملي المكان خوديه واطلعى الدور الاخير وشوفي هتوصلى لايه بس خودى بالك لايرميكى من فوق
سلمى : ههههه انا حاسه ان نهايتى هتبقى مأساوية كده 😂
محمود : ههههه ربنا يستر
دخلت رنا فى غضب وقالت : انتو هنا وانا قلبت الدنيا عليكو
سلمى : معلش يا رنوش اصل اختك نجت من الموت بأُعجوبه النهارده
رنا : مين كان هايقتلك 😂
سلمى : الموز اللى قتل امه واخته 😂
محمود : هههههههه حتى انتى يا سلمى اتعديتى منها
سلمى : شوف انت بقالنا سنتين عايشين مع بعض ازاى متعديش
رنا : احكي حصل ايه
سلمى : فى البيت بقي يا قطه
محمود : متيجوا نتغدا مع بعض النهارده
رنا : خليها يوم تانى اصل سلمى وحشانى وعايزه اتكلم معاها للصبح
سلمى : خلاص بكرة بقا اديك شايف انا متحاصرة ازاى
رنا : سلام يا حوده بوسلى تالا
محمود : سلام يا بنات
خرجت رنا لتصطدم بأدهم الواقف بإنتظار سلمى في الخارج فقالت : انت واقف كدا ليه هااا متروح اوضتك يا اخى
ادهم : معلش يا رنوش خبط فيكى بالغلط كنت عايز اخبط في حد تانى 😉
رنا : شيلت الالقاب كأنك واحد مننا ما شاء الله وبعدين ايه الصراحه دى يعنى مبتنكرش انك متعمد
ادهم : توء
سلمى : وقح
ادهم : وقح بيحبك
تركته سلمى ورنا وغادرا وركبا اول سيارة اجرى وقفت خارج المشفى بينما عاد ادهم الى غرفته يجر اذيال خيبة امله كالمعتاد
انطلقت سلمى الى شقتهم وبمجرد وصولها اتصلت علي الفور بأحد المطاعم وطلبت طعاما لهما ثم قالت : انا مش متخيله ابدا يجى اليوم اللى ارجع من الشغل وادخل المطبخ اعمل اكل ده ابشع كوابيسى بجد
سلمى : ههههه يبقى هتعنسي ان شاء الله
رنا : ومين قال انى هاتجوز ان شاء الله.. انا بكره التحكم ومستحيل اسمح لواحد غريب يجى يقولي اعملي و ما تعمليش انا كده حرة نفسي اللى بضايق منه بقله باى باى بمنتهى البساطه
سلمى : طب افرضى حبتيه وحبك وكده يعني هتفكرى بنفس المنطق برده
رنا : حب ايه يا بنتى الحب ده عبط.. بيتحول فيه الإنسان العاقل لمعاق متخلف وعنده عته طفولي كمان ترضيلى كده يا لومه 😂😂
سلمى : هههههه قال يعنى انتى عاقله اوى
مسيرى افرح فيكى برده
هاغير هدومى واجى نرغى لما نشبع
رنا : تماموز
دخلت كل منهما وابدلتا ملابسهما ثم انضمت رنا الي سلمى في غرفتها وشاركتها الفراش وقالت : احكيلى بقا حصل ايه في بيتكو
سلمى : عيد ميلاد نوده وروحنا راس البر انا و اخواتي واخوات ياسين بس ياسين كسف هناء اخت طنط شيماء حتت كسفه بس بصراحه تستاهل لانها جت فرضت نفسها علينا وكانت عايزة تيجى معانا غصب عننا
رنا : يا بنتى دى واحدة اومليت جداا بجد ياسين معاه حق من يوم ما شوفتها عندكو وانا بقول الله يكون في عون اللى هايتجوزها
سلمى : بس كانت خروجه حلوة اووى والبحر كان رايق ومكنش فيه زحمه انبسطنا اوى
رنا : المرة الجاية نبقي نروح مع بعض ان شاء الله... علي فكرة انا رايحة الفيوم يوم الخميس
سلمى : واو ايه سبب الحنين المفاجىء ده للوطن
رنا : ولا حنين ولا نيلة بابا اتصل بيه وصمم انى اروح مش عارفه حاسه ان الموضوع فيه عريس
سلمى : ههههه انا كان جايلى عريس برده بس زحلقته
رنا : مقلتيش ياندله
سلمى : عشان محصلش حاجه ولا حتى قعدت معاه وبعدين منا بقول اهه... ابن واحد صاحب بابا الله يرحمة فريند عندى ع الفيس بوك وانا عارفاه كويس بس انا مبفكرش ارتبط حاليا
رنا : ولا حاليا ولا بعدين مفيش احسن من السنجله كبرى الجمجمه
سلمى : كبيرة اوى امعلم
رنا : احكيلى سليم عمل ايه
قصت سلمى ما فعله سليم فشهقت رنا بفزع وقالت : وانا اللي كنت فكراه كيوت ورومانسي طلع قتال قتله
سلمى : بس انا مش عارفه سابنى ليه بعد ما كان خلاص مصمم يخنقنى
رنا : ههههه لا غلطان روحى قوليله كمل شغلك 😂 انتي هبله يا بت
سلمى : شكل الموضوع كده فيه خبايا كتير وبصراحة الحالة استفزتنى جدا لانى حسيت انه بيتكلم بمنتهى العقل واليأس في الوقت نفسه
رنا : ربنا يستر عليكى من يوم ما اشتغلتى معانا اتضربتى ضرب 😂 ربنا بيخلص منك
سلمى : بيخلص منى ايه دا انا طول عمري مسالمه وطيوبة وعمرى ما أذيت حد
رنا : خلاص يبقا ربنا بيطهرك ياشابه عشان تدخلى الجنه حدف
سلمى : يارب يا ختى يا رب... قوليلي.. عملتى ايه مع محمود الفترة اللى فاتت
رنا : مش عارفه بقا طيب اوى و ذوق وظريف مش عارفه ليه
سلمى : هو أصلا كده بس انتى مش مركزه جوة مركزة بره
رنا : بره ازاي
سلمى : قصدي مع الناس اللي بره الجروب بتاعنا انا وانتى ومحمود
رنا : عادى مش فارقة جوة من بره
سلمى : بتفرق علي فكرة لأن اللي جوة اوضح
أنت تقرأ
سيكوباتى
Actionجريمة قتل اتهم فيها بعدها اودع مصح عقلى .. كان يائس تماما لا يتمنى سوى أن تنتهى حياته حتى القاهآ القدر فى طريقه فاعادت له الامل
