#سيكوباتي
#Heba_Montaser
الفصل الثامن
ا________
في صباح اليوم التالي
استيقظ ياسين وايقظ مهند الذي كان مستغرقا في النوم قائلا : قوم يا هنودة
فتح مهند عينيه بتكاسل وقال : عايز انام بقا
ياسين : لا نوم ايه اصحي يا بطل عشان عايز اتفق معاك اتفاق رجالة
مهند : قول
ياسين : اوعا تقول لماما اننا ناوين ننزل البحر عشان هتفضل تقول الجو برد مش عارف ايه واصلا الجو شمس و جميل اهه
مهند : طب ما هى هتعرف لما هدومنا تتبل يا فالح
ياسين : هنجيب اى لبس من هناك ننزل فيه البحر و مش هنجيبه هنا واحنا مروحين
مهند : امممم طيب هنام شويه اما تجهز صحينى
ياسين : يووو يا مهند بقى خلص عشام لسه هنفوت على يوسف وياسمين ناخدهم معانا
مهند : ياسمين رخمة بتقعد تزغزغني كتير لحد ما بموت من الضحك
ياسين : امممم هى غلسه شوية بس اختى ولازم استحملها وبعدين هى بتبقى عايزة تشوف الغمازات هتعمل ايه مش انت اللي عسول مش ذنبها
مهند : طيب لو غلست هازعلها وافتكر انى قلتلك اهه
ياسين : ههههه حاضر هاحذرها منك قوم البس ينوبك ثواب
خرج مهند من تحت الغطاء ليجده ياسين بملابس الخروج وقال : يا عم انا جاهز من امبارح
ياسين : امممم ده ايه الذكاء ده... طيب هاغير بسرعه اهه
مهند : يووو ما قلتلك سيبنى انام شويه
ياسين : روح صحى سلمى وسهر
خرج مهند من الغرفة وتوجه لغرفة اختيه وطرق الباب ففتحت له الباب وقد انهت ارتداء ملابسها فقال : كويس انك لابسه سلمى خلصت؟؟ ولا نايمة
سهر : يا بنى احنا جاهزين من إمبارح دا انا هاموت واخلع م المزاكرة وما صدقت المهم ياسين فين
مهند : بيلبس
ما هى إلا دقائق وخرج ياسين هو الاخر بعد ان انها ارتداء ملابسه
خرجت نوال من المطبخ حامله معها بعض السندويتشات وقالت : انا عارفة مش هترضوا تفطروا هنا خدوا فطاركو اهه اول ما توصلوا افطروا
ياسين : تعبه نفسك ليه يا ستى كنتى ارتاحى مننا النهارده واحنا هنتصرف مع نفسنا بقا متشغليش بالك
نوال : ولا تعبت ولا حاجه امال انا عايشه ليه غير عشانكو
سلمى : حبيبتي يا نولا خلاص هنفطر من ايديكى يلا هننزل بقى عشان ناخد اليوم من اوله
نوال : ماشي... استودعكم الله الذي لاتضيع ودائعه خد بالك من اخواتك يا ياسين
ياسين : في عنيه يا امى
سهر : متخفيش يا ماما احنا مش صغيرين عشان توصيه علينا حطى في بطنك بطيخة صيفي
ياسين : ههههه انت كده بتخوفيها اكتر انجري يا بت اتأخرنا
سهر : بته تبتك
ياسين : سلامو عليكم
انطلق ياسين بصحبة اخوته ليمر علي يوسف وياسمين ليصطحبهما وبمجرد وصوله وجد ياسمين تقف بصحبه اخيها وخالتها فنظر الي سلمى وقال : يا فتاح يا عليم يا رزاق يا كريم ايه الاصطباحة دى
سلمى : هتعمل ايه؟؟
ياسين : هتجاهلها محدش يسلم عليها فاهمين
اقترب من ياسمين وقال : يلا يا يوسف يلا يا ياسمين اتأخرنا
ابتسمت له هناء وقالت : انتو اللى اتأخرتوا احنا بنستناكو من بدرى
ياسين : هو انا وجهتلك كلام انا بكلم اخواتى ميرسي انك وقفتى معاهم لحد ما جينا كلك زوق بس مكنش في داعى للوقفه في الشارع كان ممكن يستنو فوق وانا كنت هرن علي يوسف يجيب ياسمين وينزلي معلش تعبناكى تقدرى تطلعي احنا خلاص ماشييين
وقبل ان تجيبه هناء بأي كلمة التفت لياسمين وقال : يلا يا ياسمين ايدك في ايد سهر واسبقونا يلا يا مهند امشي مع سلمى
يلا يا يوسف يلا
ثم امسك يوسف من يده وانطلقا دون ان يوجه لها اى كلمه
شعرت هناء بغضب شديد من الموقف الذي وضعتها فيه اختها وتمنت لو ان الارض تنشق وتبلعها من الحرج الذي كانت تشعر به
صعدت لاختها وقالت : خلاص يا شيماء معتيش تجبيلي سيرته تانى ولا تحطينى في الموقف شوفتى عمل فيه ايه لو كلب كان عامله بتقدير اكتر منى لو كلمتينى في الموضوع ده تاني لا انتى اختى ولا اعرفك
شيماء :لا والله يعنى انا اللي غاصبه عليكى ياختى مش انتى اللي ليل نهار تقولي بحبه حبك بورص يا بعيده مدى روحى بلا وجع دماغ
انفجرت هناء في البكاء وقالت : حتى انتي يا شيماء بتطردينى اعمل ايه بس يا ربي و اروح لمين
شيماء : خلاص بس بس متعيطيش تعالي ادخلي اما نشوف هنحل المشكلة دى ازاى
.
أنت تقرأ
سيكوباتى
Actionجريمة قتل اتهم فيها بعدها اودع مصح عقلى .. كان يائس تماما لا يتمنى سوى أن تنتهى حياته حتى القاهآ القدر فى طريقه فاعادت له الامل
