#سيكوباتي
الفصل الأربعون.... الأخيرة 😉😉
ا~~~~~~~
دوت صرخات سلمى فى المكان بشكل مخيف فاستيقظ ذلك النائم الى جوارها فى فزع وكذلك طفلهما الذى علت صرخاته وهو ينادي على والدته من فراشه فحمله والده محاولا تهدئه روعه واخذ يحاول ايقاظها من هذا الكابوس الذى افزعها لهذه الدرجة وجعلها تصرخ بهذه الصورة الغرييه قائلا : قومى يا سلمى.. قومي يا حبيبتي
شهقت سلمى وهى تستيقظ من النوم فتحت عينيها وهى تتطلع فى زوجها و طفلها وهى تقول : أعوذ بالله من الشيطان الرجيم يا ساتر يارب.. الحمد لله ان انت بخير
اجابها :بخير!!! كنت هاموت انا وسمسم بالسكته القلبية بس 😂😂😂 حرام عليكى يا شيخه قطعت الخلف طب انا مش مهم اهو معانا حسام واللى جاى فى الطريق طب الغلبان ده ذنبه ايه يقطع الخلف من بدرى كده😂😂
سلمى : هههههه بعد الشر عليكو يا حبيبي ربنا يخليكو ليه...؛ بس اصله كان حلم فظيع والله وكان كله دم وقتل وحاجه غريبه كده
اجابها قائلا : اموت انا فى الاكشن 😂😂 احكيلى
سلمى : هاحكيلك كل ده يا سليم 😲😲 خلينا للصبح ده موضوع يطول شرحه نام دلوقتى وبكره احكيلك
سليم : وانا مثلا بعد الرعب ده هاسيبك تنامى تانى النهارده... لااااا وبعدين يا حجه انتى بتنامى كتير اوى.. مكنتيش بتنامى كده ايام ما كنتى حامل فى حسام.. دانا بخرج وانتى نايمه وارجع وانتى نايمه وبتنامى طول الليل ايه الافترا ده
سلمى : ايه الار ده اللهم لا حسد بكره بعد الولاده معتش هنام سيبنى اشبع نوم لحد ما اولد
سليم :توء توء مفيش نوم... هنزل اجيب حاجه نشربها واجى تحكيلى علي الحلم بتاعك وانتى كده كده هتنامى وانا فى الشغل اقعدى معايا شويه بقيتى توحشينى واحنا عايشين في بيت واحد
سلمى : امرى لله هاعمل ايه بس... تعالي يا سمسم انيمك
نزل سليم الى المطبخ وعاد بكوبين من العصير وجلس مع زوجته التى قصت عليه ماحدث في حلمها منذ انا كانا فى شقة أدهم فى الإسكندرية بعد هروبه من المستشفى وانتحاره وصولا الى مقتل ادهم عندما علا صراخها قبل استيقاظها... حينها نظر اليها سليم ذاهلا ثم انفجر ضاحكا فاستيقظ طفلهما الذى غفا فى أحضان والدته منذ دقائق فقالت : كده صحيت الولد تانى ماصدقت نام قلتلك احكيلك الصبح يوووه
سليم : اصل جرعة الاكشن الزياده قلبت معايا كوميدي خصوصا لما كل ده يخرج من عقل بنوته رقيقه زيك 😂😂 دا انتى تنفعى مؤلفه بالطريقة دى يابنتي
سلمى : هو انا الفت الحلم!! انا كنت نايمه 😂
سليم : احنا نكتبه ونعمله فيلم ونسميه بين الواقع والخيال 😂😂😂 عشان انتى دمجتى فيه بين احداث واقعيه وخياليه.. وعقلك الباطن مقدرش ينسى يوم ما رجعت من عند حازم لما كنت بسجله الاعتراف لما كدبت عليك وقلتلك انى دبحته وفضلتى تصرخى واترعبتى لحد ما صعبتى عليه فقلتلك انى بكذب
سلمى : انت اصلا واحد مفترى دا اترعبت يومها رعب.. خليتنى احس انى السبب فى موت حازم وان انت فعلا مريض نفسب وانا ساعدتك ترتكب الجريمة دى
سليم : هو من ناحية يستاهل القتل فهو يستاهل بس انا ما استاهلش اوسخ ايدى بدمه.... ده غير انى لو قتلته مكنتش هاشوفه مذلول في السجن وهو بياخد جزاءه... والله بدى اخدله عيش وحلاوة واروح ازوره 😂😂 بقالى 3 سنين ما شوفتوش
سلمى : ماتشوفش وحش يا حبى
سليم : واى وحش.... المهم... انتى لسه حطه فى دماغك برده انه تيسير بتحبنى... بطلى عبط بقي قلتلك اختى وتوأمى مش زى ما انتى فاهمه
سلمى : انا بحب واعرف كويس اوى البنت لما تحب بتبقا ازاى وعمري ما هنسي نظره عينها يوم فرحنا.... كان فيها خيبه امل كبيره بعدها سافرت ومارجعتش مصر غير الشهر اللى فاتت مع جوزها اللى انت بنفسك قلتلى ان عمر ما كان بينهم اتفاق
سليم : واهم اتفقوا ياستى وخلفو احلى دومى فى الدنيا... بطلى انتي بس غيره وخيالات
سلمى : والله ده احساسي وانا واثقة فيه
سليم : واثقه فيه وفي انى بعشقك صح!!
سلمى : انت قلبي وروحي ونور عينى انت دنيتي وجنتي كمان
سليم : طب تعالى فى حضنى شويه وحشتيني
......
.
.
.
.
.
مرت الايام المتبقية علي ولادة سلمى ووضعت طفلتها سالى التى اصرت على تسميتها علي اسم اخت سليم التى سعد بها وبطفلهما سعادة لا نهاية لها...
.....
انجبت رنا ابنها يامن وعاشت حياة دافئه مع زوجها وابنته وطفلها انستها تلك البروده التى غطت طفولتها بثلوجها
....
...
تزوج ياسين واستقر مع زوجته فى الإسكندرية حيث محل عملهما وانجب طفليه محمد ومروان واصبح له اخيرا بيته الخاص الذى ينتمى اليه وزوجته الحنونه التى كانت ترى فيه الحبيب والصديق والابن المشاغب ايضا
........
سافر ادهم الى اليونان بعد زواج سلمى واستقر هناك ولم يرتبط مرة أخرى
....
التحقت سهر اخت سلمى بكلية الطب جامعة الإسكندرية
وكذلك يوسف اخو ياسين بكلية الإعلام...
.
.
.
لربما تبكينا الايام يوما
ربما عاما... أعواما..
لكن كن علي يقين
القادم أجمل 😍❤
تفاءلــوا 👋
....
....
....
تمت بحمد الله 😉
❤
أنت تقرأ
سيكوباتى
Acciónجريمة قتل اتهم فيها بعدها اودع مصح عقلى .. كان يائس تماما لا يتمنى سوى أن تنتهى حياته حتى القاهآ القدر فى طريقه فاعادت له الامل
