#سيكوباتي
#Heba_Montaser
الفصل الرابع عشر
ا_____________
انهى سليم كلامه ودموعه تغطى وجهه ثم التفت الى سلمى فوجدها تبكى هى الاخرى فقال : انا عايز اطلع اوضتى لو سمحتي
سلمى : انا اسفه انى فكرتك بكل ده بس انت عارف كان لازم اعرف وصدقنى انا مش هاسكت غير لما الحقيقة تبان ونثبت براءتك
سليم : مبقتش تفرق
اصطحبت سلمى سليم الى غرفته واعطته بعض الاقراص المهدئه ثم غادرت الغرفة لتترك له مجالا لينال قسطا من الراحة بعد هذا الإجهاد النفسي.. وتوجهت الى مكتب محمود وفي طريقها لمحت ادهم يتجول في الممر المؤدى الي مكتب محمود ولكنه لم يقترب منها كما وعدها واكتفي بمتابعتها من بعيد
دخلت سلمى مكتب محمود واخرجت تسجيل جلسة سليم علي المنضدة وقالت : اعتقد انه برئ وان فى حد مصلحته انه يخلص منه واظن انه جوز والدته
محمود : حيلك حيلك احنا مش معانا دليل غير كلامه اللى ممكن يكون كدب بمنتهى البساطة
سلمى : لا مش كدب قلبى بيقولى انه بيقول الحقيقة
محمود : واحنا من امتى بندخل مشاعرنا في شغلنا يا سلمى!! ولا من امتا الخكومة بتعترف بكلام المتهمين..!! لو مفيش دليل على الكلام ده يبقي ده مجرد كلام في الهوا ملوش اى لازمه
سلمى : انا هاكلم تيسير وهحاول اساعدها وندور مع بعض علي الست اللى كانت بتشتغل عندهم دى
محمود : يا بنتى التحقيقات شغاله متورطيش نفسك في حاجه انتى مش عارفاها
سلمى :يا ما فى الحبس مظاليم يا محمود وانا مش هاقف اتفرج بسلبيه علي انسان برئ وهو بيتظلم ادامى وممكن جدا يعدموه
قطع حديثهم اتصال رنا فأجابت : الو ازيك يا رنوش عامله ايه
رنا : زفت وهباب وواقعة فى مشكلة جامده مش عارفه اخرج منها ازاى
سلمى : ياساتر يارب ليه كده
قصت رنا كل ما حدث منذ ذهاب اسر الر ابيها و ادعاءاته الكاذبة الى قرار والدها والخيارين اللذان امامها لتختار احدهما
سلمى : امممم اسر ده طلع حقير اوى ازاى جتله الجرأة يعمل كده.. طب وقررتى ايه
رنا : والله منا عارفه.. هاقعد النهاردة مع العريس عشان اراضي بابا وبكرة الصبح هاجى القاهرة ونفكر مع بعض
سلمى : صح كده واهو تبقي كسبتى وقت تفكرى بهدوء
رنا : وانتو عاملين
سلمى : الحمد لله تمام لما تيجي احكيلك كل حاجه
رنا : تمام.. اشوفك بكرة ان شاء الله
سلام
سلمى : سلام
انهت سلمى الاتصال فلمحت التوتر والقلق باديين بوضوح في ملامح محمود الذى قال : طمنينى فى ايه!
سلمى : اسر راح عند عمو حسن وقالو كلام كدب علي رنا وهى طبعا حكيتله الحقيقة فقالها يا تتجوزى يا تعيشي معايا هنا انا مش هاعرف اطمن عليكى ولا احميكى طول مانتى بعيدة عنى
محمود : انا هاطلب ايدها للجواز اول ما توصل واظن ده انسب وقت
سلمى : صح كده ربنا يقدم اللى فيه الخير
.
.
.
فى الأسكندرية
... انهمك ياسين فى اعمال البناء منذ أن تسلم الرسومات الهندسية حتى كاد هو ورفيقه ان ينتهوا.. و منذ ذلك الوقت هو يتابع بريده الالكترونى بانتظام يتواصل مع المهندسه المسئولة عن التصميم لاجراء التعديلات اللازمة
...
ونتيجة للإنجاز الذي تم في العمل قرر مدير المشروع اجراء اجتماع ليحدد جدولا زمنيا للانتهاء من العمل
اقترب بلال من ياسين وقال : تعالى ننزل... احمد رفعت عامل اجتماع ولازم نحضر
ياسين : اجتماع ايه بس انا مش فاضي انزل احضر انت
بلال : يلا يا با كل المهندسين مجتمعين انت محسسنى انه مشروع ابوك ما صاحب الليله هو اللى قال نوثف الشغل هاتخاف ع الشغب اكتر منهياسين مش لازم يكون مشروع ابويا عشان احرث عليه.. انا بخاف ربنا وبرضى ضميرى عشان ربنا يباركلى
بلال : انا عارف والله انك رجوله ومفيش منك بس لو تواظب علي الصلاة هتبقى حاجه مفيئ بهد كده
ياسين : ادعيلى يا حج ربنا يهدينى
بلال : ههههه مفيش فايدة فيك يلا ننزل يلا بدال ما ارميك من هنا
نزل ياسين وبلال من علي سطح البناية التى يقومون بالعمل فيها ففوجئ ياسين بالجميع موجود ومن بينهم عصمت التى كانت مقابلته الاولى بها فى غاية السوء.. شعر بالحرج وهو يجلس علي مقربة منها واشاح بنظره عنها وأخذ يفكر ماذا يجب عليه ان يفعل.. هو يتعامل معها منذ ذلك اليوم الكترونيا ولم يتحدث لها وجها لوجه.. لزاما عليه ان يعتذر ام يكتفى بالمعاملة العاديه دون الالتفات الى ما مضى .. ظل يفكر في الامر حتى انتهى الاجتماع ولاحظ اتجاهها لباب الخروج للانصراف فتوجه اليها دون تفكير وقال : ايه ده انتى ماشيه
عصمت : اه في حاجه
ياسين : احم لا مفيش بس ماشربتيش حاجه يعنى
عصمت : شربت قهوة في الاجتماع شكرا
ياسين : لا قهوة ايه بس انتى فاكرة نفسك راجل!!! لا انتى تشربى عصير حاجه ساقعه تشربي اللبن قبل النوم مش شكل قهوة خالص
عصمت : احب اقولك انك بنى ادم سخيف وتافه
اختفت الابتسامة عن وجه ياسين وهو يتابع عصمت التى غادرت في غضب دون ان تلتفت له فقال : هى اتعصبت ليه 😳 صح لازم تشرب اللبن قبل النوم يمكن ترجع تكبر تانى بدال نموها اللى وقف ده!!
ظهر بلال من خلفه وقال :قلتلها ايه تاتى ينرفزها كده!!
ياسين : قلتلها تشرب اللبن عشان تكبر
بلال : هههههههه يا خربيت شيطانك افتكرتك اعتذرتلها نيلتها بزياده
ياسين : الحق عليه خايف على مصلحتها 😂 يلا يا عم نروح
بلال : تعالى نلحق العصر في المسجد الاول عشان المغرب معدش عليها حاجه
ياسين : طب روح وانا هاحصلك
بلال : يلا يا اخى نروح متتحججش ده الجامع اهه مش مسافرين احنا
ياسين : ماشي يا عم الشيخ يلا بينا
...
انطلق بلال وياسين الى المسجد فأدوا الصلاة و بعد الصلاة قال بلال : تعالي اتغدى عندنا ام معاز عامله اكلة سمك تستاهل بؤك
ياسين : الف هنا وعافية حسام هو اللى طابخ النهاردة وانت عارفه محترف وبعدين انا هتمشى علي البحر شوية قبل ما اروح
بلال : ماشى يا صاحبي اشوفك على خير
ياسين : سلام
انطلق ياسين يقطع شاطىء البحر وهو يفكر فيما قاله لعصمت وان الكلام جرى علي لسانه علي عكس ما كان يرغب فقد كان عازما علي الاعتذار لها لكن بدلا من ذلك ذاد الامر تعقيدا
.
...
..
في الفيوم
منزل رنا
جلست رنا في غرفتها بعد ان ابدلت ملابسها وحرصت على عدم التزين تنظر نداء والدها لها لتجلس مع ذلك العريس المنتظر
بعد دقائق طرقت مى اختها باب غرفتها وقالت : بابا بيقولك تعالي يا رنا
خرجت رنا لتتابع مى كلامها قائلة : انتى مش حاطه ميكب خالص ليه كده!!
رنا : اهتمى بشئونك احسن يا مى
مى : اوووف انتى حرة ده ايه الارف ده
رمقتها رنا بنظرة غضب وكادت توبخها ولكن قاطعها نداء زوجة ابيها لها قائلة : تعالى يا عروستنا تعالى
توجهت رنا الى غرفة الاستقبال وعلامات الغضب مازلت اثارها علي وجهها فاستقبلتها والدة العريس قائلة : يا اهلا يا اهلا ده ايه الجمال ده صلاة النبي احسن تعالي يا عروسة ابنى اقعدي جنبى
جلست رنا الى جوار السيدة فقال والدها : اهو الدكتور عمرو جه بنفسه اهه عشان تتعرفوا علي بعض
فرد عمرو قائلا : واضح كده انه القعدة دى ملهاش لازمه اصلا العروسة لاجدال عليها وانا شخصيا موافق وابصم بالعشرة واتمنى انها كمان توافق
ام عمرو : وهى هتلاقي زيك فين دا انت صلاة النبى احسن اخلاق وعلام وعارف ربنا دا احنا نقرى الفاتحه النهاردة
حسن : مستعجلين ليه احنا نسيبهم يقعدوا سوا ويتكلموا وياخدوا فرصتهم في الحكم علي بعض دا جواز مش اى كلام
منى : والنبي لايقين علي بعض
ام عمرو : كلام الحاج مظبوط بس ان شاء الله خير قلبي بيقول كده
حسن :طيب تعالوا نقعد بره ونسيبهم يتكلموا شوية لوحدهم
خرج الجميع من الغرفه فالتفت عمرو لرنا قائلاً : انتى عارفه انك ما اتكلمتيش كلمة واحدة حتى من ساعة ما دخلتى
رنا : عادى يعنى بسمعكو
عمرو : انا عارف انك اكيد محرجه يعنى وضع طبيعى بس القعدة دى معمولة عشان تتعرفي عليه و لو عندك اى سؤال انا تحت امرك
رنا فى نفسها ولا عايزه اعرف حاجة هما عشر دقايق هنقعدهم وبعدين كل واحد يروح لحاله
عمرو متابعا : مفيش عندك اسئلة؟؟
علي كل يا ستى انا هاكلمك عن نفسى وهاحاول مخليش في دماغك اى استفهام
اخذ عمرو يتحدث لها عن كافة الأمور التي تخصه ويحاول الا يغفل اى جانب حتى انهى حواره قائلا : يعنى ده كل اللي في دماغي بس عايز اسألك برده انتى ناويه تلبسي الحجاب امتى؟ انا بصراحه غيور وانتي جميله ولازم احميكى من عين اى حد
رنا : لسه مفكرتش في الحكايه دى بس مفتكرش هالبسه حالياً
تنحنح عمرو فى حرج وقال : مش قصدي دلوقتي علطول واكيد هنتناقش في الحكاية دى بعدين
رنا : اممم...، وانت بتفكر طبعا تنقل القاهرة صح
عمرو : لا طبعا ايه اللي يشحططنى بعيد عن اهلى وحياتى واظن ان احنا بعد الجواز هنستقر هنا وسط اهلنا
رنا : هو انا بقلك هنسافر بره انت محسسنى انك هتتغرب هناك وهما ساعتين زمن تبقا فى الفيوم... وبعدين انا شغلي ودراستى في القاهرة وانا مبفكرش اوقف حياتى وطموحى عشان اتجوز
عمرو : طب وايه المشكلة انك تعملى كل اللى انتى عايزاه هنا
رنا : نفس السؤال تسأله لنفسك ومش لازم انا لانى انا البنت اتنازل عن موقفى ممكن انت اللى تتنازل عادى
عمرو : انتى اتعصبتى ليه اكيد هنوصل لصيغه تفاهم في الموضوع ده وخلينا ندى لكل حاجه وقتها وطالما انتى مش معترضه علي شخصي وانا نفس الشيء يبقي اكيد هنوصل لحل وسط
رنا : ان شاء الله
عمرو: يعنى اعتبر دى موافقة
رنا : لا قصدى لازم افكر في الاول و اظن حقي
عمرو : حقك طبعا.. اسبوع كويس
رنا : كويس
عمرو : طيب هاقوم استأذن واخد امى ونتكل علي الله وانا واثق اننا هنشوف بعض تانى كتير
سلامو عليكم
رنا : وعليكم السلام
.؟.
...
يتبع
💕
أنت تقرأ
سيكوباتى
Actionجريمة قتل اتهم فيها بعدها اودع مصح عقلى .. كان يائس تماما لا يتمنى سوى أن تنتهى حياته حتى القاهآ القدر فى طريقه فاعادت له الامل
