#سيكوباتي
#Heba_Montaser
الفصل العاشر
ا_____________
وصل محمود و سلمى ورنا الى النادي وتوجهوا الى المطعم الذى اعتدوا تناول طعامهم به ففاجئهم آسر بمقاطعة طعامهم قائلاً : رنا ممكن كلمتين
رنا : يعنى مش ممكن نأجل الكلام نص ساعة انت مش شايف ان الوقت مش مناسب
آسر : اسف مفكرتش... مستنيكى في ملعب التنس بالف هنا الاكل
انصرف آسر وقد بدا علي وجه محمود الضيق ولكنه قال متجاهلا ما يشعر به : لسه بتخرجي معاه!
رنا : ابدا ولا حتى برد على اتصالاته اصلا مش هااعبره بعد الاكل
محمود وقد اطمئن قلبه : انا رأيي تشوفيه عايز ايه ولو حتى لسه في كلام منتهاش انهيه
سلمى : صح كده علي الاقل ترتاحى من اتصالاته للابد
رنا : خلاص تمام بعد الأكل بقا ان شاء الله
تالا : ايه يعنى مش هنلعب.. ورنوش هتمشى!!
رنا : توء توء مش هامشى هاغيب عشر دقايق بس وبعدين هنلعب كتير
تالا : اوك هاحسب الدقايق بالدقيقة هاا
محمود : متخافيش لو اتأخرت هنروح ناخدها غصب عنها
....
انهوا طعامهم فتوجهت رنا لملعب التنس فوجدت آسر يلاعب احد اصدقائه وبمجرد أن رآها احرز نقطه فانتشى وشعر بشيء من الثقه وقال لصديقه مبتعدا : مش قلتلك انا لازم اكسب مهما حصل
ثم التفت لرنا قائلا : ليه مبترديش عليه بتصل بيكى كتير في ايه يا رنا
رنا : ابدا ولا حاجة بس كنت مشغوله.. خير كنت عايزنى في ايه
آسر : عايزك انتى.. مبقتش مستحمل حياتى من غيرك انا حبيتك يا رنا
رنا وقد انتابها الذهول : امتى ده اصلا احنا شفنا بعض مرتين تلاته
آسر : حب من اول نظرة يا ستى.. وعشان تصدقى كلامى هاخدك دلوقتى حالا اعرفك علي ماما
افلتت ضحكه عاليه من رنا دون ارادتها وقالت : ليه تاخدنى تعرفنى عليها مش ممكن مثلا نتقابل كلنا هنا في النادي
آسر : احم.. لا نادي ايه!! هى اصلها تعبانه ومش بتيجى النادى خالص.. بس ليه بتضحكى
رنا : لا ابدا ولا حاجه.. خلاص طالما ممتك تعبانه نروح كلنا نزورها انا وسلمى ومحمود
آسر : فى واحد في الدنيا ياخد اصحاب حبيبته معاها وهو رايح يعرفها علي ممته
رنا : ههههه انت عايز توصل لانى اجى معاك لممتك لوحدى..!! مستحيل يا مستر آسر مش رنا عبد الهادي اللي تروح بيوت النمرة غلط جداا فوق لنفسك وانا وقتى معاك خلص اصلا لازم امشي..و اذا كان علي موضوع الارتباط فأنا اسفه جدا انا مش موافقة وياريت متتصلش بيه تانى
آسر وقد بدا عليه الغضب فقبض بيده علي ذراعها وقال : متخلقتش اللى تقول لآسر رضوان لا وانتى هاخدك بمزاجك او غصب عنك
حاولت رنا التملص منه وهى تقول : انت انسان قذر وانا هاقدر اوقفك عند حدك
اقترب منها حتى اصبح وجهه في مواجهه وجهها وقال : هتوقفينى ازاي بقا ان شاء الله
في تلك اللحظة ظهر محمود من العدم ولكمه لكمه جعلته يأن من الام وقال :انا هاوقفك...ولا انت متخيل ان ملهاش حد وهتستفرد بيها!! ابقي فكر مرة تانيه تقرب منها ولا تتعرضلها وشوف أنا هاعمل فيك ايه
آسر :وده بصفتك ايه بقا ان شاء الله مديرها في الشغل!!
رد محمود في لحظه : لا خطيبها
آسر : ده خطيبك!!
احتمت رنا بمحمود وقالت : ايوة والمرة دى هنعديها المرة الجاية هانبلغ البوليس
امسك محمود يد رنا وانصرفا وقد اعتلي وجه آسر الدهشة والغضب فى الوقت نفسه وقال : خطيبها ازاي انا عارف انها مش مخطوبة و عايشه لوحدها
ليرد صديقه من خلفه قائلاً : معلش يا حبي هارد لاك بقا الحياة مكسب وخسارة
آسر : انا متهزمش ابداا.. الجوله دى راحت بس كل الجوالات الجايه ليه
.؟
.
اما محمود فقال وهو في طريقه لسلمى التى بقيت مع تالا في المطعم : انا اسف عشان قلت خطيبتى انا بس حبيت انقذ الموقف
رنا : معقول بتعتذر دا انت اللي خلصتنى من الحيوان ده بجد انا مش عارفة اشكرك ازاى والله
محمود : لا شكر ايه.. انتى متعرفيش انتي غاليه عندي اد ايه ... بلاش نتكلم عن اللي حصل ادام تالا وانا هاخدكو ونروح مكان تانى عشان منزعلهاش
رنا : اوك
...
انضم محمود ورنا الي سلمى و تالا وتوجه الجميع الى الملاهى لينقذوا ما امكن انقاذه من نزهتهم التي أوشك هذا المجنون علي افسادها
.
.
.
.
أنت تقرأ
سيكوباتى
Aksiجريمة قتل اتهم فيها بعدها اودع مصح عقلى .. كان يائس تماما لا يتمنى سوى أن تنتهى حياته حتى القاهآ القدر فى طريقه فاعادت له الامل
