#اوهام الحب

بارت 1

#بقلم
#ايزابيل
《اوهام الحب》

..
"أجمل حب هو الذي
نعثر عليه أثناء بحثنا عن شيء آخر"

جنت واكفه مقابيل المرايه
والهيتفون بأاذاني واسمع اغاني
واتمايل بخصري لابسه برموده للركبه
ثلجي وتشيرت نص ردن اصفر وشعري
مسويته كعكه ونازله منه كم خصله بأاهمال ..

فزعت على صوت دكت الباب
اوف اعرف منو اجه هاذا مايبطل عادته
كل مايجي يدك الباب بنغمه طبول ..

رحت واني اصيح ومتجهه للباب ..

_يي يي اجيت ينعل يومك انتضررر ..

فتحت الباب صار كبالي كال ..

_وخري مني لا اهفج براشدي ؟

رفعت حاجبي بنزعاج وخرت باوعتله
دخل بدون ما ينزع الحذاء صرخت علي ..

_ااااادم انزززع الحذاء !

_على كيفج ست فيان متكليلي وين داخل قصر الاميره ديانا واني مادري ..

تخصرت وكلت

_خووش لعد خلي تجي ماما واكلهه ادم يدخل للبيت بحذاءه ..

ضربني على راسي ب شقه وراح
ذب حذاءه وتمدد على القنفه رحت وكفت كباله وكلت .ادم اليوم كاريس خابرت ؟عليك وانت جنت ناسي موبايلك هنا ..

نهض من مكانه باوعلي بستغراب وكال ..

_شتريد هاي ؟مو كلشي انتهه بينه وفسخنه بعد شكوو ..

حركتله اكتافي بمعنى مادري
عفته ورجعت لغرفتي وكفت مقابيل
المرايه ابتسمت وشلت خصلات شعري
المتناثره على وجناتي ..

اسمي "فيان "
عمري "25 "سنه خريجه كليه فنون
جميله عشقي الرسم حيل احبه لاذلك
دخلت دخلت هالقسم ...

اني البنت الوحيده الأهلي بعد اخويه
ادم الي اكبر مني ب سنتين ادم مدرس
الغه انكليزيه ويداوم ب مدرسه حكوميه ..

بابا متقاعد وماما مدرسه أحياء ..
عايشين بوسط الهدوء والانسجام العقلي والفكري حياتنه هادئه جدا ..

بابا اصلا من العماره وماما كرديه
بابا جان يشتغل ب اربيل إلي حاليا احنه ساكنين بيهه المهم تعرف على ماما وحبهه
رغم الضروف والفارق المذهبي والفكري ..

لكن حبهم كدر ينتصر على كل العواقب
تزوجوا واستقروا ب اربيل لان الثنين شغلهم هنا فميكدرون يرحون للعماره ..

عندي 3 عمام وما عندي عمات

عمي طارق عنده فهد ويقين ورسل وعزام
عمي ناصر عنده سليمان وياسين و تبارك ..

عمي احمد عنده بس بنيه ..
رفل وهو متوفي (الله يرحمه)..

بيبي وجدو الحمدالله عايشين وكل
عطله صيفيه نروح للعماره نقضي وقت
ولا بالأحلام بس اخر مره رحنه للعماره اتذكر من نجحت من السادس ..
والسبب بابا قبل لا يتقاعد شغله تأزم حيل بحيث مرت علينه ضروف ناكل خبز وجاي ادم يجيب راتبه هم يالله يكفي بس مصرف بيت ..