#اوهام الحب

بارت 30

#بقلم
#ايزابيل
#الجزء الثاني
《اوهام الحب 》
..
كل الايدي تمتد اليها لتنتشلها ..
لكنها تكتفي بأنها تلوح لهم وتغرق ؟؟

☆☆من كتاب ليتها تقرأ☆☆

..
جنت واكفه على الطباخ سديت النار على جدوره الغده واتجهت للسنك فتحت شعري
من القراصه نثرته على ضهري اوف متت حر وعرك غسلت وجهي وشعري ونشف اديه ..

رحت اتمشى للصاله جان علي متمدد
على القنفه وايده على عيونه  هستوه اجه من دوامه تمددت
بصفه وخليت راسي على ايده ،،

حسيت على ايده تلتف على خصري ..
جنت منطيته ضهري درت علي صار
وجهي بركبته جلبت بقميصه وهمست ،،

_ كاعد ؟؟

ابتسم وهو مغمض عيوونه وكال
_والله اجيت انام بس عطرج فززني ،،

ضحكت بهدوء وبتعدت عنه
_اكوم اصب غده ،،

حسيت على جرته الي وكعت فوكا ..
شعري نفتح كال بهمس : رفل صارلنه اسبوع من اجينه للبيت وانتِ داحسج تتهربين مني ..

فتحت عيوني مصدومه وكالت
_يا على شني اتهرب لا والله بس كتلك اروح اصب غده اذا تريد اكابلك واكعد وخلي نموت من الجوع ،،

ضحكت وجرني من خصري كال
_انتِ تموتين من الجوع اني ماموت دام يمي كيكه مثلج هههه ..

نزلت راسي خجلت حيل ..
بلعت ريكي وطكيتهه ركضه صبيت غده .

خليت الصينيه بالكاع وكعدنه
ناكل فطومه نايمه ضمتلهه غده من تكعد
اوكلهه ..

علي كال
_رفل اقدملج سادس خارجي بهالفتره اذا تحبين ؟؟

عفت الخاشوكه من ايدي وابتسمت بفرح
_اي اكيد واذا تريد من هسه روح ،،

ضحك وكال
_ههههه لا يابه متوازي بهالضهريه رايح على باجر اطلع من الصبح ،،

بدون ماحس ركضت علي
حضنته وبسته بخده بادلني الحضنه
ومسح على راسي كال :تدللين شكم رفل عندي ؟؟

ابتسمت ونزلت راسي
الله رحمني وعوضني بعلي ..
رجعت المكاني وكملت اكلي ...
شلت الصينيه وعلي فات للحجره ينام ..
انه وكفت اغسل الامواعين ..

ندك الباب نشفت اديه ورحت للممر
جان ممر طويل بي من الجهتين سنادين ورد
وخضار فتحت الباب شمرت نفسهه بحضني
حضنتهه وبستهه ..

_شلونج،؟

ابتسمت وكالت
_وحك علي مشتاقتلج بس غير ذيب البساتين مايخليني اطلع منا لهنا يكول من ارجع من الدوام وين ماتردين اخذج لاتطلعين وحدج ..

_شسالفه هو احنه منا لهنا بعد بيتين شمره عصى ،دفوتي فوتي ،

دخلت جوه ..
كعدت على التخم وانه رحت جبتلهه
عصير وحلويات خليتهن كبالهه ..