#اوهام الحب

بارت 13

#بقلم
#ايزابيل
《اوهام الحب》

..
دعني اتنفسك

         فحبك يهيمن احساسي

ويصيب قلبي

           برعشه لا تنتهي

..
وكف ادم بكل جبروت وهو يصيح
_ كلمتي مااعيدهه مرتين رفل الي وماتصير الغيري وهاذا علي الجريذي تربيته على ايدي

كامت عمتي ناهد خزرت ادم
وكالت : ادم شنو هاذا الحجي مو عيب توكف بوجهه جدك ،،

رفع ايده جدي وسكت عمتي
وجهه نضر الاادم وكله ..

_ جدي اذا تريدهه هي الك وماتصير الغيرك بس غير افهم شنهي السالفه انت موش على وجه زواج هسه كلنه الله محلل اربعه بس موش هيج وحده براس الثانيه حتى ماتنطي النفسك فنتك (مجال ) ..

سحب نفس وزفره كال
_ جدي اني اصلا مقرر اتزوجهه الرفل ومنتضر الوقت المناسب بس انت فاجأتني ب كلامك وبطلب علي ..

ضحك جدي وكال
_ يابعد جدك ههههه دكعد اكعد والله مووش زلمه المايثني عمي رفل الك وابصملك بالعشره بس هسه كمل زواجك من كاريس ورفل حديث اخر ..

حبست ادموعي كوه
حسيت نفسي مزهريه ويحطونهه
بالمكان اليعجبهم حسيت نفسي طوبه
بملعب جبير والكل عيونه عليهه...

انه لو ابوي عايش ماجان سمح لجدي
هيج ينطيني لليعجبه انه مو عايبه ولا بايره
حتى اخذ واحد متزوج ادم اذا يريدني ينسه شيء اسمه كاريس ..

كمت منهم وانه احس كل جسمي
يرجف ليش مادري ..

كعدت بالكاع ابجي واشهك
ادم عباله بكلامه وافعاله هاي فرحني ..
بالعكس حسيت نفسي مالي قيمه
ويقسمون بيه بكيفهم...

دخلت يقين كعدت بصفي بالكاع
خلت ايدهه على زندي وكالت ..

_ شبيج رفل ؟

حجيت من بين شهكاتي كلام
متقطع : ي يقين اانه مالي احد ..

كلت هيج ونفجرت بالبجي
خليت راسي بين رجليه وابجي
حسيت على ايد يقين تتلمس راسي
كالت ..

_ اااش لا تحجين هيج احنه وين رحنه غير انه اختج وامج وابوج وكلشي بعد ماريد اسمع هالذا الكلام ..

خليت راسي على ايدي وسحبت
شهكاتي صفنت على الباب وكلت ..

_ ماتقصرين حبيبتي انتي غاليه عليه والله ..

كالت ب استغراب
_ ها فهمت السالفه انتي تبجين لان جدي ما وافق على علي ..

ضحكت بستهزاء وكلت
_ لا يمعوده اصلا اخر همي علي ذاك  شلونه حتى هاذا يطلع بي خير ..

ضحكت وكالت
_بس تدرين انه كيفت من جدي انطاج الاادم عبن ادم خوش ولد ويستاهلج يعني انأمن عليج ويا وهو موش غريب ابن عمج ..