#اوهام الحب

البارت 39

#بقلم
# ايزابيل
#الجزء الثاني
《اوهام الحب 》

#اللهم ازرع الصلابه في قلبي
#امام كل مايحدث ..
..
اجتني تبارك كالت :- شبيج فيان ؟

لزمت بطني الواصله الخشمي وكلت :- الحكيلي تبارك يمكن راح اولد ؟؟

فتحت عيونهه مصدومه وكالت :- فيان اليوم الج ثاني يوم بشهرج شسالفه معقوله ولاده مبكره ؟؟

بلعت ريكي واني اضغط على نفسي واحاول
اتصدا الوجع :- تبارك امشي كلي البيبي ترا متت من الوجع ...

ركضت تبارك كلت البيبي اجتني كومتني من الدرج ومددتني بالصاله كالت ال رائده ..

:- امشي صيحي القابله ،،

راحت رائده وهي تعوج بحلكهه ..
واني احس راح اذب الطفل هنا من كد
الوجع ،،

شويه واجت القابله فحصتني كالت عندج
ولاده من الخوف كمت ابجي واعض بصبعي ..
كلت الهه :- عوفيني ماارررريد وخرييي عنيي

دفعتهه وكلت الهه وخري بيبي ضحكت عليه وكالت :- ولج مسودنه انتِ ..تعاي معليج بيهه ترا تتأثر صحتهه وصحه الطفل ،،

رجعت عليه واني ابجي ..
نص ساعه احسهه ساعه موتي لحد ما
شالت الطفل بيدهه يله اخذت نفس براحه ..
بيبي اخذت الطفل بوكتهه شكد فرحت واني اباوعله احسه راح يزيح كل هم عندي ..وراح يكون سند وعون الي ..

اجت اقبال نضفت المكان وبدلت ملابسي .
باستني بكصتي وكالت :- مبروك يتربه بعزج نشالله ،

ابتسمت الهه وكلت :- تسلمين ،،

شدت راسي بشال وبيبي جابت الطفل ..
يخبل اخذته منهه شميته وبسته اخذته مني وكالت :- كافي يله مايصير تضلين تبوسين بي راح احطه بفراشه يمج ...

كلت الهه بصوت خاوي :- بس بيبي ابقى هنا اريد ادخل للغرفه ،

:- بعدج هستوج جايبه مايصير تكومين انتضري على باجر اكومج بالحجره...

اجت رفل طلعت يمي تباركلي وراحت للطفل ..
بيبي ماخلتهه كاعده يم الطفل وماتخلي واحد يلزمه ..

رفل
_شبيج والله ماسويله شيء بس ابوسه ،،

_شتبوسين ولج وولي ،،

كامت رفل شويه واجه جدو خطيه
فرحلي هو عمامي باركولي ..كال جدو ..

_باجر اذبح ذبيحه لوجه الله ،،

اجت رسل وبيدهه الموبايل تركض
كالت :- فيان امج ،،

اخذته منهه وجاوبتهه
_هلاو ماما ،،

_ها ماما فيان صدك جايبه ولج ؟! ..

كلت بصوت خافت :- اي قبل شويه ،،

_يا عمه عيني واني مو يمج هسه اجيب ابوج واجي بس بشريني ولد بنيه ؟

_ولد ،،