#اوهام الحب

بارت 5

# بقلم
#ايزابيل
《اوهام الحب 》

سأجعل حبك جنون . . فقط جنون بي أنا . . سأعلمك الحب . . سأجعلك عاشق . . و في العشق لنا حكايات يغار منها العاشقين.. اعشقــــــــــــــــــــــــــك

..
فيان

كعدت الصبح على اصواتهم كالعاده
باوعت الرفل نايمه وحاضنه بنتهه
رحت يمهه بستهه بخدهه ..

وغطيتهه زين رحت كعدت ولميت
رجليه واني اتذكر عركه البارحه ..
سحبت نفس وزفرته طلعت البيت كله
مكهرب ..

طلعت بيبي شكحه كاعده هي وادم وفهد
ومادري شيحجون ماما وعماتي يشتغلن
تبارك تخبز ورسل تشتغل بالمزرعه ..يقين مادري وين اكيد وي ياسين لان
باجر يريد يرجع البغداد ..

رحت كعدت بصف فهد
دكيت على رجله وكلت ..

_شلونك باشا ؟

باوع عليه وكال ..
_هلا فيان ..شو هالايام ماتبينين ؟!

حرت شكله مكابله الشباك وواكفه ..
_مريضه مصخنه ..،،

_سلامتج يابه ..،،

_الله يسلمك ..،،

اجيت اكوم باوعلي ادم وسوالي حركه
بمعنى اريد جاي رحت للمطبخ كلت ..

_صباخ الخير ..!

باوعتلي سهاد وكالت..
_هه بعد وكت خيه احنه كاعدين من الصبح لاتكولين صباح الخير كولي مساء الخير ..

رحت طلعت القوري واني اباوعلهه
صفح حطيت مي وجاي وخدرتله ..
جبتله استكان قبل ماطلع كالت عمه رائده ..

_رفل وين ؟

كلتلهه واني اخوط الستكان..
_نايمه ،،

عوجت شفايفهه وكالت ..
_اءءءه نايمه العوبه جا موش تدري اليوم عدنه كعده وخطار غير تكعد من الصبح شنهي تعودن تنام للضهاري .؟!

_عمه على كيفج ياضهاري ترا الساعه ب 10

خزرتني ماما خزره شلعتني من الكاع كالت ..
_معليج انتي ولي انطي الجاي الاادم

هزيت ايدي ورحت ..
وديت الجاي وكعدت بصف بيبي ..

كال ادم
_فيان تره كتلج اريد جاي مو نومي بصره ..؟

_اي غير هاذا جاي ..؟!

شمر خاشوكه الجاي وكال ..
_صدك جذب هو هاذا جاي منعول جد جده محترك معطب

ضربتني بيبي بالعصى على رجلي
احس شاغت روحي كالت ..

_شمالج خيبه جاي ماتعرفين تسوين امده حضي جا باجر عكبه شلون تاخذين رجال وعيال وحك هو وعلي لو ردوج عليه ماخلي الكمر يطلع عليج اكتلج بساعتهه ..؟؟

ضحك ادم بقوه وكال ..
_هههههه شسالفه بيبي علمود جاي تكتلينهه حلال ..حميتي هوواي صيحولنه الطفائيه ..،،