#اوهام الحب

البارت35

#بقلم
#ايزابيل
#الجزء الثاني
《اوهام الحب 》
..
ضليت واكفه مصدومه لا مستحيل الداشوفه
معقوله هذا الي كتل الفلاح ولد يطلع عمره تقريبا 18 سنه وجهه بالطول واصفر ضعيف حيل ولابس بجامه سوده ومزروفه من يم ركبته وتشيرت احمر بس مبين برتقالي من التراب يبجي ويرجف اسمعه يتوسل ب فارس ..

_سيدي والله مو انه كتلته فدوه لا ادخلني السجن ،،

اباوع فارس لزمه من ركبه تشيرته وكال
_ يعني الفلاحين الي شهدو عليك جان كلامهم زور اعترف احسلك لا تخليني اجيبك بالقوه ..

شهك وكال
_سيدي ابوس رجلك عوفني والله مو انه كتلته اصلا ماعرفه ،

اباوع فارس دنك على التخم اخذ المسدس وسحب اقسام مرزه جان كاعد بصف الولد
من شاف فارس رفع المسدس نز ورجع ليوره ..

خلى على راس الولد ضل يبجي ويتوسل ب فارس اخر شيء كال : راح اكول بس عوفني فدوه ،،

سحب المسدس ورجع كعد كله : اسمعك ،،

..سيدي انه بركبتي 3 عوائل وابوي توفه وماعنده ولد كبار بس انه مات وعاف زوجاته ال3 وكل وحده عدهه جهال ٣ و ٤ من توفه طلعت اشتغل بالكاع والوراكم فلاح ويوميتي 10 ومرات 5 وجان عندي صديق هو من عمام *** هذوله عدهم طلابه وي الفلاح وبيوم اجه صديقي كلي انتَ عايف مدرستك وتشتغل ليش متخلني اساعدك كتله شلون كال انطيك فلوس مبلغ هلكد ومن تاخذ الفلوس عيش حياتك بعد ماتضطر تطلع من الاربعه الفجر لحد ال ٦ المغرب على 10 الالف وحتى تكدر تاخذ عائلتك وتروح انه ادبرلكم سفره وي الكروبات كتله اكون ممنونك اذا تسوي هالفضل عليه كلي بس عندي شرط كتله شنو كال اكتلي هذا الفلاح
اول شيء ترردتت وماقبلت بس هو ضل يروح ويجي عليه ويغريني بالفلوس حتى مره هددني كال اذا متنفذ طلبي اعتبر وحده من اخواتك مكتوله خفت وبنفس الوقت جنت افكر بالفلوس وبحالتنه التعبانه بيومهه اخوي الصغير وكع فلاونزه ووصل للموت وماعندي فلوس وحتى عشه ماعدنه امي راحت طلبت من الجيران ،،

بعد مامكمل كام فارس ضربه راشدي فره فر
شهكت وحطيت ايدي على حلكي اسمعه يصيح

_لك بعمرك بركبتهم 10 عوائل مو 3 وماانجرف لهذا الطريق يعني تفضل الحرام على الحلال انتَ منو حتى تكعد تسلب ارواح الناس في سبيل الفلوس ،،

نزل على رجله ويبوس ويتوسل
_فدوه سيدي اشفعلي فدوه والله غلطت وانه ندمان ،،

جره من وره من تشيرته وكله
_تريدني اصير مثلك وامشي بطريق حرام اتستر على جريمه مثل هاي لك الله وهب الفلاح الروح وهو الياخذهه انتَ شلون تسوي هيج مافكرت بعقاب الله بألاخره مافكرت شلون الله راح يصفك بصف الشياطين ،، بس فهمني شلون كتلته بدم بارد وماهمك شيءء اهللللك يدرررررون ؟؟

هز راسه ب لا وضل يبجي ..
بعدني داسمع ماحس غير الباب نفتح وصار كدامي عادل جرني من ايدي واخذني سحل للغرفه ذبني على الجربايه وكال :لج شجنتي تسوين ورا الباب ؟؟