# بقلم
# ايزابيل
# الجزء الثاني
《اوهام الحب 》
..
أمطري
حباً وقصائدَ عشقٍ
ودعي الليلَ
يمرُّ سريعاً
يغادرُ محطاتٍ حافلهً
بالوجع ..
فلسان الفجرِ قد عادَ
يهُتف..يشتتُ ذاكرةٍ للماضي
تتعكزُ بأصواتِ نشازٍ
أمنحيني الوقتَ
لأنثرَ قصائدي قلائدَ
حول رقبِتك الفضيّةِ
ليتدلّى الفرحُ..
أمام عينيك..
..
درت للجهه الثانيه وصدمتي زادت مرزه
شكوو كال :شلون بنتي ؟
بتعدت عن الباب وكلت
_ هلا عمو الحمدالله بخير تفضلوا ،،
فتحت الباب ودخلت صحت ادم وبابا ..
يستقبلوهم واني بقيت واكفه بالمطبخ
اجت امي كالت : شعندهم جايين ولج ؟
رفعت اكتافي بمعنى مادري ..
سمعت صوت بابا صاحني اجيت
اروح جرتني امي :يالعوبه تفوتين للستقبال بدون شال ..
خليت ايدي على راسي وتذكرت اني بدون
شال عزا معقوله هيج اني طلعت الهم ..
اخذت شال امي خليته على راسي وطلعت
للستقبال سلمت وكعدت بصف ابوي ..
كال مرزه
_ شلونج عمي فيان ،،
_ الحمداالله بخير انتَ شلون صحتك ؟
_ على الله ، اسمعيني بنيتي انه جايج بطل وماريدج ترديني ..
مادري ليش خوف حتل كلبي
واصلا جيتهم كلهه مامرتاحتلهه ..
مرزه :انتَ تدرين الغالي راح وماعدنه احد يذكرنه بي او ذكره اله كل مانشوفهه نشوفه بيهه انه جايج اليوم ومتعني حتى اخذ ابن أبني لان احنه احق بي ..
فتحت عيوني مصدومه وروحي صارت
يم حسوني بمجرد الفكره دارت بذهني
عيوني نترست دموع كلت :بس عمو هو ابني وبس هو الي شلون تريد تاخذه ..
..بنتي لا تخلين الموضوع يكبر ويوصل للمحاكم انطينه الولد وخلينه نمشي ..
كتله ودموعي وكعت :لاامستحيل ابني مانطي ووين جنتووا كل هالفتره هسه تذكرتوا شلووون اعيشش بدونه لو على كص ركبتيي مانطييي ..
كال ادم
_ مرخصتك ابو فارس ترا هذا الكلام مو منطقي شلون تحرمون ام من ابنهه يعني عدكم كلب يتحمل تشوفوا يبجي على امه ومايلكاهه ..
_ عمي موجوده امه الثانيه زهراء هي تربي ..
كمت على حيلي واني اشهك
_ مانطييي والله مانطييي لو تنطبك السما على الارض اني ماتحمل تاخذونه منيي لك بعده صغيرر اذا بعدتوا عني يتمرض واحتمال تنتكس حالته ..
لتفتت على صوت الي يكول
_ فيااان ..
درت شفته فارس كال
_ ترا الولد اذا بقه عندج راح يضيع حقه احنه اهله واولى بيه المفروض يجي ويانه يكبر ويربه بيناتنه ويستلم مكان ابوه ..
كتله بشكه
_ عادي والله كل اسبوع يروح يمكم او اسبوعين بكيفكم بس لا تحرموني منه ..
مرزه : خوب يروح يكعد يمنه وكل اسبوع يجي يشوفج ..
أنت تقرأ
#اوهام الحب
Roman d'amourعندما تتغلب لعبه القدر عندما ينتصر البؤس .. فتاه من جنوب العراق لها نسل كردي تلتقي بحبها الاول والاخير لكن ماالابال ان كان الحب من طرف واحد ... بقلم .. ايزابيل
