#اوهام الحب

بارت 15

#بقلم
#ايزابيل
《اوهام الحب 》

..
يومين بس وانه شتاقيتله
وهواي هم تعودت اكعد واصبح بوجهه
بس راح وهو زعلان مني...

جنت طالعه اشتغل كالعاده
وهاي رائده شوكت ماتجي تصيحلي
ك... كرهت نفسي من وراهه...

رجعت من البستان شفت نفس
الجنطه الطلع بيهه ادم موجوده بالباب
احس كلبي دكاته صارت الف دخلت اركض ..

شفته واكف بالهول يصيح ويتهدد
عيوني دمعت من الفرحه شكد مشتاقتله ..
ومشتاقه الطوله والعيونه والصوته..

ضليت واكفه ومبتسمه ..
طلعت فيان تركض وتبجي حضنهه
ادم ويحجي وياهه ..

_ لو اعرف تصير كاتل ومكتول ماخليج تتزوجين غصب صوجي اني زمال صار كل
هالمده غافل عنج ..

دار وجهه وشافني كباله ماعارني اي اهميه
رجع كعد وكأنه ماشايفني...

معقوله بطل يحبني بطل يتشوق لشوفتي
مثل قبل جا انه شكد قسيت علي حتى هيج
كارهني كوه سيطرت على دموعي
لو نازله جان انفضحت ..

مرت رائده همست ب مكر ..
_هه عباله غشيمين احنه ويقشمرنه سو روحه جاي على مود اخته جاي الج انتي خطيه مشتاق الحضنج من عبنه عاف سفرته ورجع

اجيت اركعهه طراك اخرب خلقتهه
شكد سخيفه ومتستحي لو سامعهه ادم
جان زوعهه حليب امهه ..

كلت بسخريه
_ ليش تجين اتذبين سمج يمي وتولين بيج خير روحي احجي هاذا الكلام يم ادم واله اكلج عليمن انه اروح اكله على كل كلامج ..

حجت بتهديد ..
_ انجبي لج اذا سمعت حاجيه ال ادم شيء وحك الله امسح بيج الكاع مسح ..

ضحكت بستهزاء وكلت
_ الخوف يعدل الشوف ،،

عفتهه ورحت الحجرتي
كعدت على الجربايه دنكت راسي
طاحت دموعي ماريده ينساني والله اموت
بدونه ...دفنت راسي بالمخده وحسيت خدودي

يطع منهن نار اثر الدموع الي تحرك
خدي وكلبي وروحي احساسي مينوصف من
اشوف حبيبي كارهني ..

..
فيان

طلعت اركض على صوت ادم وهو
يصيح ركضت حضنته وابجي ..

_ ادم ماريد ماريد اتزوج فدوه

مسح دموعي بصبعه وكال
_ كافي لاتبجين والله احرك البيت على روسهم ..

اجه جدو جنكال كال
_ولك ادم هرجتنه هرج شتريد ،،

كام وكف وكف كبال جدو وكاله
_ شتردون تكولون كولو ساقط ماعندي تربيه الي يعجبكم المهم اختي لو على كص ركبتي مااخليهه تروح بهالطريقه ..

_وانته منهووووووو واكف كبالي وتمنعني اسوي الي براسي ،،

اشر على نفسه بعصبيه وكال
_ انييييييييي ادم اخوهه يعنييي اني الي يحقلي ادخل بيهه وبمستقبلهه مو انت وين عايشين متكلولييي وحق الله لو ادري بيك مأذيهه هيج جان السلف حركته فوك روسكم كلكم ..