#اوهام الحب

بارت 17

#بقلم
#ايزابيل
《واقع حال 》

..
بعدهن ذكرياتك بلحفظ والصون

لاجاسن ندم #لاضاكن الوسفة

وغلاتك من تمر بلبال

كلشي بروحي يطفى وتشتعل انت

..
جنت واكفه كدام المرايه ب
فستاني المشمشي باوعت لوجهي
شاحب ومابي قطره مكياج مجرد
لابسه فستان وحتى لبست توربان
على شعري ..

تذكرت اليوم الي اجه بي جدو
وكال باجر العقد دموعي مافاركني لحضه ..
شكد مؤلم هالشعور من انت تحب شخص
بس تنجبر تاخذ غيره ..

نفتح الباب ودخلت رفل جانت
لابسه فستان ماروني كالت ..

_فيان عليج الله لاتبجين يمعوده انسي فارس وابدي صفحه جديده وي عادل ..

حطيت اديدي على وجهه وكلت
_لج رفل موبيدي والله موبيدي ماريده ماحب عادل لج اختنك بس ينذكر اسمه ..

ندك الباب مسحت ادموعي بسرعه ..
دخلت كاريس جانت لابسه فستان ..
خردلي بس عريض جانت تعلج ..

دخلت تمشي بحذر مادري ليش
رجعت خصلات شعرهه ليوره وكالت ..

_اووي فيانو حبيبي ليش هيج بدون لا مكياج ولا تسريحه اليوم خطوبتج تره ..

كلت
_ماريد يعجبني هيج ،،

_يحفضك الرب شقد حلوه حتى بدون ميكاب ،،

_شكرا حبيبتي ،،

دخلت يقين كالت ..
_يله بنات خلي نطلع تره تأخرنه ،،

عصرت ادموعي كوه كلت بيني وبين
نفسي لا تبجين فيان مايسوه على الاقل
احرك كلب فارس واتزوج اخوو..

طلعت رحت للصاله كعدت على الكرسي ..
البنات يركصن ويهلهل كاريس وامهه
معتكفات اتذكر بيوم امي خابرتهن

وعزمتهن ادم ماقبل ..بس هي عاندت
وعزمتهن ..

اجت بيبي تهوس ودخلت بالنص
بعدين راحت كعدت بصف كاريس وتكلهه ..

_شنهو رئيج بهوساتي عليج الحمزه ابو حزامين ،،

ضحكت كاريس وكالت
_ليل حلويا (محلو )

اني اعرف انو هالكلمه بالمسيحي يعني
موحلوه بس بيبي عبالهه تكله حلوه
كالت ..

_فدوه اروحلج بعد كلبي انتي الاحلى

ام كاريس كرصتها كاريس
كالت بخزره ..

_شبيج يمي انا ماقلت شيء خطاء ؟؟

بيبي جرت شعر شعرهه وكالت
_هاذا شعرج شنو نوعيه الاوكسجين التلطخين بي ،،

_اشبيج انا مااصبغه هو طبيعي ؟

عوجت حلكهه بيبي وكالت
بهمس : هجم بيتج ماتصبغه هي اذا ماطلعت كل اسبوع لاطخته ومقشمره ادم على اساس كلشي طبيعي ماطلع شكحه ..