#اوهام الحب

البارت 45 والأخير

# بقلم
# ايزابيل
# الجزء الثاني
《اوهام الحب _ النهايه》
..
#ليش_تذبل ؟
ليش حزن الناس موسم ،
وانتَ حزنك ماله #تالي ؟ ..

#ليش طيفك فاهي گلبه
وطيفهم عرس #الليالي ؟

#هواي ليش وما حضيت بچلمة تشفي ..

خلصت عمرك تناطر يمته #تجفي ..
..
كعدت بصفه وكلت
_ فارس اريد اسألك سؤال ؟

_ شنو !

_ احم تتذكر الورقه الي دزيتهه الي ؟

_ ياورقه هاي ! !

_ الي شافهه عادل قبل ؟

_انتي ليش متصدكين من اكلج مو الج ال زهراء بس الخبل يمكن انطاجياهه بالغلط ..

فتحت عيوني مصدومه
معقوله عيشت نفسي بوهم كالهسنين
احس الألم تكدس ب حنجرتي ومنعني
عن الكلام ..

ترجيت عيوني تصبر وماتوكع
الدمعه كتله بخنكه ..

_ فارس يعني انتَ مجنت تعرفني اني منو ؟

_ ههه اصلا تفاجئت من كالي عادل هاي من حفيدات جنكال

_ زين انت مو جنت تدري بيه اني الي ضربت عادل ليش ما فضحتني ؟!

سحب نفس وزفره
_ مو عادل هو الي رفض احجي وكالي اني احبهه وعن قريب اخطبهه ،،

عقدت حواجبي وكلت
_ يحبني ؟ زين هو وين شافني وحبني و انتَ شمدريك بكل هذا !!!

_ مو عادل حجالي كلشي نسيتي انو احنه جوارين جنتي كل مااطلعين للبستان عادل يشوفج ف عجبتي وقرر يخطبج ..وعمتج رائدج ساعدته بكلشي ..

فتحت عيوني مصدومه واجت
الصور ابالي معقوله رائده الهه ايد

بهذا الشيء وهي ال تكول العادل
شوكت اطلع وشوكت ادخل لذلك هو
راقبني ..

_ انت تعرف بالصور مو ؟

_ صور شنو !!

_ الصور الي هددني عادل بيهن

فتح عيونه مصدوم كال
_ لا وعضمه محمد يعني عادل هددج بالصور حتى تقبلين بيي ؟!

نزلت راسي احسه تبنج من
كثر الصدمات الي وكعت علي

تمنيت مااجايه لهنا وسامعه كل
هذا تمنيت اضل عايشه بوهمي ..
كتله واني اشهك ..

_ انيي الي دمرت حياتي اني الي لعبت بنفسي وماخليت حدود لعقلي المراهق ..

عقد حواجيه مستغرب وكال
_ شبيج فيان !!

خليت ايدي على الكاع
وعنت نفسي حتى اكوم ..

مرات انسان يمرر بموقف تبرير يحس بنفسه
ندمان على الي سواا والخطأ الفادح الي ارتكبه

بس اني مو موقف واحد الألف المواقف
تبررت الي بلحضه وحده مو ندمانه مره وحده

لا اتمنى احرك نفسييي على الأخطاء الي سويتهه صح ما راح يرجع شيء