#اوهام الحب

بارت 32

#بقلم
#ايزابيل
#الجز الثاني
《اوهام الحب 》
..
عندما يحيط بنا الضلال يحجب نور
السعاده عن محيط قلبنا ودواخلنا
لربما ما كتب علينا فيه الخير اكثر مما كنا
نتمنا ..

..
دخلت للحمام واني ابجي والشهكه ملازمه صدري بدلت ملابسي بثوب اسود وشال اسود
طلعت للغرفه عادل جان واكف يلبس قميصه الاسود ..

لبست جواريبي السود وطلعنه
خاتون هم خلت عباتهه على راسهه

واجت ويانه رجيت راسي على جام السياره
ودموعي يهلن عادل عين على الطريق وعين عليه انتهيت من البجي مابجي حبأ بكاريس بس ابجي على شبابهه الراح وعلى ابن اخوي الي راح يتيتم وهو صغير ..

بعد ساعات طويله وصلنه الاربيل البيت
مكلوب كلاب صريخ وبجي كلبي نخمش من
صدري اول مره اعيش هيج اجواء ..

دخلت للبيت شفت ماما كاعده وبحضنهه
ابن ادم يبجي وهي هن تبجي وام كاريس كاعده على جهه لابسه فستان اسود وشال اسود طالعه من شعرهه كم خصله وبيدهه اكلنس ..

كعدت بصف ماما وانهاريت بالبجي ..
اخذت ابن ادم الي فرفح من البجي ..
ويباوع بالوجوه مستغرب حضنته وابوس
بي ..

شويه ودخلت بيبي شكحه وياهه اقبال ورائده والبنات رسل وتبارك رحت سلمت عليهن ...
اجيت اسلم على رائده دفعتني وكالت ..

_شوف هاي احنه بيا حال وانتِ تسلمين ،،

فشلت حيل سحبت روحي ورجعت المكاني
اجت تبارك كعدت بصفي كالت وهي تمسح دموعي :لج فيان فرفح كلبي خطيه اشافت من حياتهه حتى هيج تروح بسرعه وهذا ابنهه الي راح يضيع بعدهه ويتبهذل ..

حطيت ايدي على عيوني بجيت
وسحبت نفس احس اختنكت ..
ماما همستلي بصوت خافت
_فيان كومي لاتضلين كاعده روحي شوفي المطبخ وكلي الواحد من الولد البره يرحون يتسوكون للفاتحه ادم بالمستشفى من الصبح ولهسه لان جثت كاريس بالتشريح ...

هزيت راسي وكمت وديت ذو الفقار للغرفه ونومته ورجعت للمطبخ اسمع بيبي شكحه مكابله ام كاريس وتذب هوسات ام كاريس ماتعرف بيبي شتحجي بس تكلهه : صدك والعذراء ،،

حطيت الشال على راسي ..
ومديت راسي الشارع متروس زلم ..
ماكدر امد راسي شافني عادل خزرني ..
واجه يمي : شكو ولج ليش ماده راسج ،،

كتله على كلام ماما هو كال
_روحي انت ِ ادخلي جوه وبعد ممنوع اطلعين انه هسه اكول للولد ،،

دخلت جوه وهم اشتغل اودي هذا واجيب
هذا نهلكت هلاك للمغرب اسمع صوت ادم ..
يصيح على ماما صوته مبحوح بس كدرت اميزه عفت البيدي وركضت للممر شفته واكف

اوف عيونه حمر لابس قميص اسود وبنطرون اسود اليشماغ ذابه على اكتافه شعره غازي الشيب ادري بي مكسور كسره جبيره بداخله
ومتحطم ..كلبي متهشم علي ...